Su 17 e su 18 maju, Claudia Attimonelli e Caterina Tomeo ant a èssere in Sardigna pro presentare libru “L’elettronica è donna. Media, corpi, pratiche transfemministe e queer” . Un’addòbiu pro esplorare sa galàssia de sos limbàgios eletrònicos sonoros e visuales in òtica transfeminista, queer e postumana printzipiende dae sas riflessiones e testimonias regortas in su libru.
Chenàbura 17, a ora de sas 19:00, s’apuntamentu est acanta Radio X Social Club de Casteddu, cun pregontas e rispostas a in antis e a pustis dj set. Sàbadu 18 a sas 16:00, in su Museu Nivola de Orane, si repitit semper cun pregontas e rispostas a pustis de sa presentada. A sighire Mirrors, set audiovisivu in biu de Sara Vargiu. Cun sas curadoras at a allegare Giulia Muroni, co-diretzione artìstica de Fuorimargine. Sas còpias de su libru ant a èssere disponìbiles in totu e sas duas duas.
“L’elettronica è donna” proponet una ricostrutzione corale e trasversale de s’importu de sos contributos feminiles ismentigados dae s’istoriografia in belle duos sèculos de isperimentatziones tecnològicas, artìsticas e musicales. Unu biàgiu beru e virtuale chi andat dae s’imbentu de sos primos algoritmos a sa pràtica de su djing, dae sa performance in biu a sa videoarte, dae s’intelligèntzia artifitziale a sa mùsica techno, elettroacùstica e isperimentale, marcadu meda dae su fatore feminile e LGBTQI+.
Totu sos contributos, fideles a s’ispìritu transdisciplinàriu e intersetzionale, acudint dae autoras chi rifletent, pràticant, istùdiant e òperant in sa làcana de sos limbàgios eletrònicos cuntemporàneos.
Claudia Attimonelli. Sociosemiologa in s’Universidade Aldo Moro de Bari e est professora in bisita in s’Université Paul-Valéry de Montpellier e in s’Universidade Uerj de Rio de Janèiro. Est responsàbile de su progetu MEM (Mediateca Emeroteca Musicale). Ispetzialista de techno e afrofuturismo, declinat sos interessos suos subra de corporeidade, postumanu, istùdios de gènere e culturas eletrònicas.
Caterina Tomeo. Istòrica de s’arte, crìtica e curadora. S’òcupat de arte cuntemporànea, mestamente de sa transdisciplinariedade e de sas chircas in s’àmbitu de sa New Media Arte e de sas Artes Sonoras. Est moderadora de su Master de Multimedia Arts and Design in su RUFA, in ue est fintzas dotzente. Insegnat in su màster de Sonic Arts de sa Facultade de Ingenieria eletrònica de s’Universidade de sos istùdios Tor Vergata, in su cursu de Economia e Gestione de s’Arte e de sa Cultura de sa Business School Sole 24 Ore e in su cursu Gestione de s’Arte e de sos Benes Culturales de Giunti Academy – School of Management.
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
