Sighi∙nos

Salude, ite ses chirchende?

Cultura

Kentzeboghes, in lìnia sa de ses editziones de su prèmiu pro sas pellìculas in sas limbas de minoria

Dae su film Arrivano i Venusiani de Antonello Deidda premiadu in su 2021.

Est in lìnia sa de ses editziones de su prèmiu Kentzeboghes, su cuncursu tzinematogràficu organizadu dae s’assòtziu culturale Babel intregadu a sas pellìculas curtzas in limba sarda e in sas àteras limbas minoritàrias de s’Itàlia.

Sunt tres sas categorias de su cuncursu previstas ocannu: progetos de fiction o documentàriu in limba sarda o in sas àteras limbas minoritàrias faeddadas in Sardigna (aligeresu, catalanu, tabarchinu, gadduresu, tataresu), progetos in sas limbas minoritàrias italianas amparadas dae sa lege 482/99, in fines annùntzios publitzitàrios o videoclip musicales in sas limbas minoritàrias.

Sos binchidores de sa setzione de su cuncursu pro progetos in limba sarda s’ant a dèpere impinnare a realizare sos film in su 2024. Su prèmiu a su mègius progetu scritu in una de sas àteras limbas minoritàrias italianas imbetzes est riservadu isceti a s’iscenegiadura. Totu sos binchidores, seberados dae una giuria de professionistas de su setore tzinematogràficu e de sas limbas minoritàrias, ant a bènnere premiados durante una serada finale in su mese de nadale 2023.

Su bandu de partetzipatzione a su Prèmiu Kentzeboghes podet èssere iscarrigadu inoghe. Sa partetzipatzione a su cuncursu est gratùita e intro domìniga 1 santugaine 2023 in sa giassu Filmfreeway.

De lèghere

Cultura

S’Ars Artium Editrice e s’Assòtziu “Forma e Materia” annùntziant s’inghitzu de sa de chimbe editziones de su cuncursu literàriu “Faraglioni d’Ogliastra”, chi tenet sa...

Atualidade

In Putzu Idu Assemblea Natzionale Sarda at organizadu sa prima letzione de Yoga in limba. Cantas bias s’intendet nàrrere: “Su sardu non faghet a...

Cultura

Sighit mèrcuris su 17 in Lodine e giòbia su 18 de trìulas in Urtei (a pustis de s’esòrdiu de Iscanu e de sa segunda...

Cultura

Unu documentàriu subra de sa pratza IV Novembre e unu videoclip cun su tìtulu “Ombre sull’asfalto”. Sunt sos progetos finales de sos laboratòrios Kuntralab...