Sighi∙nos

Salude, ite ses chirchende?

Iscientzia&Tecnologia

A pustis de is influencer “umanos” arribbant is virtuales

S’abbistesa artifitziale diat pòdere pònnere in pensamentu is influencer in purpa e ossos.

Eja, est dàbile chi is personàgios famados de is retes sotziales, is gosi narados “influencer”, chi cunditzionant is cumportamentos de milliones de sighidores e is de is sèberos issoro, diant pòdere connòschere sa crisi.

Custu tema est istadu tratadu in is ùrtimas chidas dae medas testadas giornalìsticas natzionales e istràngias, chi ant postu a notu comente su fenòmenu de is influencer virtuales ingendrados dae s’IA, siat conchistende unu pùblicu semper prus mannu, mescamente in is prataformas comente Instagram. Su chi ispantat de prus est chi custos personàgios imbentados non praghent a sa gente comuna ebbia, ma finas a is aziendas chi faghet a gara pro atzapare cuntratos e isponsorizatziones.  Unu esèmpiu est cussu de Aitana Lopez: sa modella ispagnola cun 250 mìgia sighidores chi balàngiat finas a 10.000 dòllaros a su mese.

Custa andanta diat pòdere tocare sa butzaca de is influecer “umanos”, chi in su benidore ant bìdere s’ismenguamentu de su mercadu e duncas fintzas de sa carriera issoro comente impresàrios digitales.

Ma comente benint creados custos “influentzadores” digitales? Medas sunt isvilupados dae programmadores o dae iscuadras piticas de espertos de gràfica computerizada, àteros sunt su produtu de aziendas o agèntzias ispetzializadas mannas, chi investint risursas istremenadas pro promòvere is avatar issoro.

Is influencer fìgios de s’IA diant pòdere tènnere un’impatu mannu in su mundu de sa publitzidade, reduende is costos e s’impreu de risursas umanas dae banda de màrchios nòdidos. No ischimus su chi at a acontèssere, ma sa cosa segura est chi is imprendidores digitales beros ant dèpere afrontare unu disafiu isconchiosu, ca is rivales artifitziales podent cròmpere istandard estèticos galu prus estremos.

Pro parare barra a custa disfida epocale, pro s’òmine at èssere pretzisu a s’adatare e a megiorare is cumpetèntzias pròpias, puntende prus che totu subra de is cosas chi is màchinas non podent istròchere, est a nàrrere s’empatia e is emotziones.


Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018

De lèghere

Atualidade

«Emergèntzias e oportunidades» in sa mirada sua. Ma sos amministradores unidos sufrint sos sèberos de Casteddu e de Roma, in ue sunt partzidos

Isport

Ruju-biaitos in foras de sos play off

Isport

Su campione de s’ìpica sarda e italiana teniat 64 annos Su fantinu de Lanusè, classe 1960, si nch’est mortu giòbia su 23 de maju, pro...

Atualidade

Istrumada atzessìbile e segura comente diritu umanu fundamentale. Initziativa de sos tzitadinos europeos. Sa campagna “My Voice, My Choice” dat a is tzitadinos europeos...