Comente is novas influentzant mercados e persones Atòbiu in Casteddu pro chistionare de giornalismu economicu

“Comente sas novas influentzant sos mercados e sas persones” est su tìtulu de su cursu chi s’at a tènnere a sa Mem in Casteddu chenàbura 15 de su mese de santandria dae sas 14 a sas 17. Est unu cursu chi pertocat su futuru de su giornalismu econòmicu pro ofèrrere a sos giornalistas s’oportunidade de mègius cumprèndere su mundu econòmicu e finantziàriu.

Su reladore at a èssere Giovanni De Grezia, espertu finantziàriu, giornalista, chi at iscritu meda artìculos e pro su Cesbi “Tzentru Istùdias Banca Impresa” pro su cale est istadu responsàbile ufìtzio istampa e atualmente presidente, at iscritu su libru “Comente s’azienda podet atzèdere a sa crentia e gestire su raportu cun sas bancas”.

In su cursu de s’atòbiu, ant a bènnere analizados siat sos aspetos deontologicos referidos a sa “Carta de sos doveres de s’informatzione econòmica e finantziària”, siat sos profilos de responsabilidade de su giornalista.

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.