Sighi∙nos

Salude, ite ses chirchende?

Atualidade

Europeas, binchent sos populares, creschet sa dereta. In 170mìgia cherent a Ilaria Salis in Istrasburgu

Sambenadu sardu, fiat candidada fintzas in sa tzircuscritzione ìsulas. Como sa chistione de s’immunidade

pexels.com

Luego at a comintzare sa de deghe legisladuras de su Parlamentu europeu. In sos 27 paisos interessados sos tzitadinos lòmpidos a sos sègios ant fatu su sèberu issoro.

Su chi diat pàrrere est chi su continente fùrriat a dereta si abbaidamus a sa cunfirma de FdI in s’istadu italianu, a sa crèschida de de Afd in Germània e a sa vitòria de sos de Le Pen in Frantza. Su chi semus bidende est, che a sas àteras bortas, unu datu eletorale in ue non semper b’at un’idea crara de Europa, ma un’idea de cantu abarrant ritzas o mancu sas fortzas “natzionales” in cussu terrinu de disafiu chi est sa polìtica interna.

Pro nàrrere, Giorgia Meloni chi at leadu prus de 2 milliones de preferèntzias non nd’at a impreare nemmancu una pro faeddare in Istrasburgu. Ca sunt duos milliones de preferèntzias ùtiles in Roma e chi dant fortza simbòlica a s’idea de premieradu chi tenet in conca.

De cada manera, custa crèschida de sa dereta chi est contra a s’Europa e a sos àteros istados (ca in totue narat “A primu nois!”) bi l’amus àpida; gasi comente b’amus àpidu una crèschida de sa manca in sos paisos nòrdicos (in Danimarca e in Finlàndia nch’ant coladu sos sotzialdemocràticos e in Isvètzia est andada prus chi non bene).

Ma sigomente sos datos eletorales, a concruos, serbint a cumpònnere s’emitzìclu nou, custa est sa tàula de sos colores chi lu pintat.

Su Partidu populare europeu at a ocupare 185 iscrannos de 177 chi nde teniat; sos sotzialistas e democràticos 137 (dae 144); sos liberales de Renew nche falant a 79 (101 fiant); sos cunservadores colant dae 67 a 73; sos sovranistas abarrant a cuota 58; sos birdes nde perdent una bintina (dae 71 a 52); sa manca nde perdet unu: 36.

Contende·los a s’italiana binchet Tajani. Fatu-fatu Schlein, Renzi e Calenda (partzidos currende e unidos in sa derrota), Meloni (‘a premier), Salvini e Bonelli (chi in Europa sighit caminera diferente dae Frantoianni) e in fines s’antifascista Ilaria Salis.

Chi essit dae sa presonia e nch’intrat a s’emitziclu (diat dèvere impreare s’immunidade, mancari dae Ungheria nàrgiant chi no li tochet) cun 170mìgia preferèntzias. In cussu paisu sos aversàrios suos o nche cheriant ghetare sa crae o la cheriat mòrrere. A chentu annos dae su delitu Matteotti est cosa chi ponet bona muta.

E Salis est unu sambenadu sardu chi in custa tzircuscritzione si podiat iscrìere in s’ischeda.

De lèghere

Atualidade

Domìniga su 16 de làmpadas, in ocasione de sas Dies Europeas de s’Archeologia, sa sotziedade Archeonova, chi gestit sos giassos de S’Arcu de is...

Atualidade

Casteddu, Tàtari e S'Alighera. Su tzentru manca nche colat su 50% evitende su ballotàgiu

Atualidade

Su de bator postos a su giogadore aristanesu Giuseppe Massidda, in una manifestatzione dominada dae sos giòvanos. Lorenzo De Ieso, de sa sotziedade ArzaChess,...

Polìtica

Cun sa serrada de sos sègios comintzat sa maratona chi interessat 27 paisos