Dae su 10 a su 12 de ladàmini, Casteddu devenit sa capitale de sas artes urbanas e de sas culturas digitales cun “Muros de Arte” unu fèstival finantziadu dae sa Regione Sardigna chi s’at a tènnere in sa Manifattura e ponet in paris sonos e imàgines cun sa punna de contare su paisàgiu urbanu.
Su fèstival at a tzelebrare su muralismu, sa street art e sa controcultura cun unu programa ricu de atividades chi andant dae sas artes visivas a sa mùsica, dae s’architetura a su tzìnema, finas a sa dantza. “Muros de Arte – est iscritu in una nota de imprenta – si ponet comente a unu momentu de addòbiu e cunfrontu tra artistas, espertos e apassionados, pro promòvere espressiones artìsticas cuntemporàneas e sustentare sa creatividade de sos giòvanos.
A s’eventu at a leare parte finas Martha Cooper, fotògrafa famada e ispetzializada in su de re-tràere s’iscena de sos grafitos e de sa street art. Sas òperas suas, comente a Subway Arte (in parisu cun Henry Chalfant), R.I.P.: Memorial Wall Art, Hip hop Files 1980-1984 e Tag Town, sunt cunsideradas de importu mannu in su mundu de s’arte urbana. Cooper at a èssere protagonista de su talk “Martha Cooper: Su writing a traessu de s’obietivu “Martha Cooper: Il writing attraverso l’obiettivo”” chenàbura 11 santugaine, de sas 19:00 a sas 20:00, acanta s’Ispàtziu Opificio, ue at a dialogare cun artistas e curadores de s’iscena internatzionale”.
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
