Bìdere su Casteddu aici in artu est belle unu bisu. E puru est a beru: eris s’iscuadra de Maran at bìnchidu contra a sa Fiorentina cun su resurtu de 5 a 2. Un’ìspetaculu pro sos tifosos de sa Sardegna Arena chi domìniga fiat prena de gente.
Su primu gol dd’at fatu Rog (16′) a pustis de un’atzione chi tocat a dda ispiegare is sos libros de bòcia. Su segundu tenit sa firma de Pisacane (26′) chi de conca at fatu su duos a zeru. A pustis est arribada sa maja de Simeone (34′) cun nd’unu gol de tacone. Aici in su primu tempus.
Comente is iscuadras sunt torradas in su campu Nainggolan at pigadu s’iscena: furada sa bòcia a centrucampu dd’at posta in is peis de Joao Pedro (56′) pro su de bator gol. S’ùrtimu dd’at fatu propiu su belga cun nd’una stamborrada (65′). Pro sa Fiorentina a sa fine de sa gara at signadu Vlahovic (75′ e 87′)
