Sighi∙nos

Salude, ite ses chirchende?

Atualidade

Limba e iscola, cale Sardigna cun sa Giunta Todde?

Su comente chi mancat in sas decraratziones programmàticas

Si giai in sa parlata de Sa Die de sa Sardigna sa presidente Alessandra Todde aiat faeddadu de cussèntzia natzionale e de autodeterminatzione («chi caminat in sas palas de unu pòpulu istruidu»), custu giru, in sas decraratziones programmàticas de s’esecutivu suo, at àpidu ocasione de aunire duos cuntzetos chi si nch’insertant in sa narratzione de su fràigu: iscola e limba.

«S’obietivu – at naradu – est su de trasformare sa Sardigna in un’ìsula de s’intelligèntzia e de s’istrutzione: s’iscola torret a èssere un’ambiente inclusivu e unu presìdiu culturale territoriale tzentrale pro sos giòvanos e sas giòvanas nostras». Custu pro s’iscola ebbia. E pro sa limba? «Est de importu a promòvere e a sustènnere sa cultura, s’istòria e sa limba comintzende dae sos primos tziclos iscolàsticos, afortiende, finas in iscola, s’imparòngiu de sa limba sarda e promovende su bilinguismu in su sistema educativu cun sa punna de valorizare su patrimòniu culturale e linguìsticu comente fundamentu pro s’isvilupu personale e colletivu e preservare sa grandu richesa identitària chi est marcu de s’istòria millenària nostra».

Sas lìnias programmàticas pro su chi pertocat sa limba parent prus articuladas: «Cherimus gherrare contra a s’abbandonu iscolàsticu intervenende in sas cajones suas: dificultades econòmicas, intrada primidia in su mundu de su traballu, dificultade a nche lòmpere a iscola in manera fàtzile e a fitianu, demotivatzione pro neghe de rendimentos bassos». Elencados fintzas unos cantos mèdios e interventos mirados in contu de «sustegnu econòmicu, collegamentu intre iscola e traballu, sistema de trasportu dèghidu e innovatzione in sa didàtica».

Cumplessidade e innovatzione tecnològica sunt sas paràulas crae pro «invertire sa tendèntzia». Ma forsis sighit a èssere prus cumplessa sa chistione linguìstica sende chi no est bida comente unu fatore de cambiamentu de s’iscola (petzi chrèschida personale e colletiva) e sende chi non si narat comente bi diat dèvere intrare a iscola, dae su primu tziclu. Sos timores chi cussèntzia natzionale, autodeterminatzione e limba siant islogan ebbia (e su «pòpulu istruidu» nde potzat fàghere a mancu) mannos sunt. Amus a bìdere.


Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018

De lèghere

Atualidade

«Emergèntzias e oportunidades» in sa mirada sua. Ma sos amministradores unidos sufrint sos sèberos de Casteddu e de Roma, in ue sunt partzidos

Isport

Ruju-biaitos in foras de sos play off

Isport

Su campione de s’ìpica sarda e italiana teniat 64 annos Su fantinu de Lanusè, classe 1960, si nch’est mortu giòbia su 23 de maju, pro...

Atualidade

Istrumada atzessìbile e segura comente diritu umanu fundamentale. Initziativa de sos tzitadinos europeos. Sa campagna “My Voice, My Choice” dat a is tzitadinos europeos...