Sighi∙nos

Salude, ite ses chirchende?

Polìtica

Europeas, sos votos natzionales e sos grupos europeos (I)

Sos prus mannos sunt su de su Ppe e s’Alleàntzia de Sotzialistas e Democràticos

In custas pàginas, chi semus faeddende de eletziones europeas imbenientes, cheret chi pongiamus finamentas òrdine a sa guarnissa polìtica de s’Unione pro cumprèndere mègius s’ogetu de s’allega. Si est beru chi in cada istadu sos disafios sunt prus internos intre partidos natzionales chi non continentales intre famìlias europeas, est beru finamentas chi sos rapresentantes de sos 27 paisos, una bia chi nche los setzimus in Istrasburgu, nch’ant a lòmpere a unos cantos grupos parlamentares bene definidos. Cunforma a su pesu atuale, est a nàrrere de sa legisladura chi est finende, custu est s’òrdine.

Su grupu de su Partidu populare europeu tenet 177 rapresentantes (12 dae Itàlia intre Forza Italia, Südtiroler Volkspartei e un’indipendente). Fiant de prus ma su mese de martzu de su 2021 sos ungheresos de Orban (su partidu Fidesz) ant lassadu s’eurogrupu. B’at de nàrrere sos grupos polìticos podiant èssere costituidos dae su 1953 in susu ca, in antis, su regulamentu de sa Ceca (sa comunidade de su carbone e de s’atzàrgiu) no lu previdiat. Est duncas dae tando chi b’amus àpidu una prima formatzione eurotzentrista, est a nàrrere su Grupu democràticu cristianu cun rapresentantes de Itàlia, Germània, Frantza, Bèlgiu, Olanda e Lussemburgu. Su Ppe naschet a pustis, su 1976. Est su primu partidu transnatzionale europeu rapresentadu in Itàlia dae sa Dc in tempos de prima Repùblica e dae Berlusconi a pustis.

Fatu fatu, cun 139 rapresentantes, b’amus s’Alleàntzia progressista de sos Sotzialistas e de sos Democràticos, erede de su grupu de su Partidu sotzialista europeu. Su càmbiu de nùmene cumbinat cun sa nàschida de su Partidu democràticu italianu e pro permìtere a sos ex democristianos de istare in unu grupu chi non fiat sotzialdemocràticu ebbia. Sèighi sos rapresentantes italianos: 15 de su Pd e unu indipendente. Fintzas pro custu grupu devimus faeddare de su ‘53 comente data de nàschida, ma est craru chi s’isvilupu suo cumbinat cun sas mudadas polìticas a livellu mundiale. Est bastante a pensare a sa fine de s’Unione soviètica e, fatu-fatu, de su Pci, su prus mannu partidu comunista de europa devènnidu Partito democratico della sinistra in intro de sa famìlia sotzialista europea.

sighit


Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018

De lèghere

Atualidade

«Emergèntzias e oportunidades» in sa mirada sua. Ma sos amministradores unidos sufrint sos sèberos de Casteddu e de Roma, in ue sunt partzidos

Isport

Ruju-biaitos in foras de sos play off

Isport

Su campione de s’ìpica sarda e italiana teniat 64 annos Su fantinu de Lanusè, classe 1960, si nch’est mortu giòbia su 23 de maju, pro...

Atualidade

Istrumada atzessìbile e segura comente diritu umanu fundamentale. Initziativa de sos tzitadinos europeos. Sa campagna “My Voice, My Choice” dat a is tzitadinos europeos...