Cun 110 annos Luigia Mercalli, casteddaja, est sa fèmina prus betza de totu sa Sardigna.
Luigia Mercalli su 17 de freàrgiu 2025 at festadu su de 110 cumpleannos suos. Nàschida in Carluforti in su 1915, Luigia aiat mòvidu a Casteddu in su 1951 pro traballare comente insinnante de economia domèstica, contabilidade e merceologia, posca de tècnica.
A Luigia dd’at festada sa famillìa sua, fìgias e netas, in paris cun su presidente de Cussìgiu comunale de Casteddu, Marco Benucci. Sa tzentenària at cumpartzidu unos cantos ammentos de sa vida sua, caraterizada dae momentos ditzosos e dificultades. At bìvidu duas pandemias, s’influèntzia ispagnola de su 1919 e su Covid in su 2020, e sos annos de sa Segunda Gherra Mundiale. Cando sos americanos ant bombardadu Carluforti in su 1943, issa at accudidu a sos fèrridos e bigiadu sos mortos.
In ocasione de su compleannu suo Luigia Mercalli at retzidu una medàllia tzelebrativa e una pergamena.
Attività realizzata col contributo della Regione Sardegna – IMPRENTAS 2024-2025. LR 22/2018. Atividade realizada cun su contributu de sa Regione Sardigna – IMPRENTAS 2024-2025 LR 22/2018
