Sighi∙nos

Salude, ite ses chirchende?

Atualidade

In Casteddu ant iscobertu su gene N de su Coronavirus: “Aici agataus su vatzinu”

Coronavirus: Cagliari, prof. Germano Orrù (Aou) e la sua equipe

Su gene N de su coronavirus est istadu iscobertu in s’Azienda ospedaliero universitària (Aou) de Casteddu dae su grupu de Biologia molecolare ghiadu dae su professore Germano Orrù. Ddu narat sa matessi Aou sutaliniende chi “est un’iscoberta de meda importu pro chircare sas meighinas e sos vatzinos e chi at permìtidu fintzas de cumprendere chini est su malàidu zeru sardu”.

Orrù ghiat un’ equipe fata totu de fèminas: sas ricercadoras Alessandra Scano, Sara Fais, Miriam Loddo, Giuseppina Palmieri, Carmen de su Rio e Rosetta Scioscia . E traballat in paris cun su laboratòriu anàlisi de s’Aou. Sas chircas sunt istadas fatas in unu sistema diagnòsticu chi sos biòlogos ant lamadu “Caterina”. Est pròpiu gràtzias a “Caterina” chi est istadu realizadu unu kit ispetziale chi at permìtidu non sceti de iscoberrere su coronavirus ma fintzas de ddu istudiare.

“D’ònnia virus tenet unu còdighe genèticu – sutalìniat su prof. Orrù – Amus costruidu custu sistema chi nch’at cunsentidu de individuare subidu sos primos malàidos. Semus chessidos a faghere unu miniradar chi podet reconnòschere unu gene piessignu, su gene N, chi est su gene nostru bersàlliu”. Su còdighe genèticu est istadu depositadu in sa GenBank, sa banca in ue benint depositadas totus sas secuèntzias de totus sos organismos.

“Sa gherra contra a su coronavirus podet èssere binta e pro ddu fàghere sa trasmissione de sas informatziones est fundamentale. Poneus s’iscoberta nostra a disponimentu de sa comunidade sientìfica mundiale”. A su grupu de iscientziados arribbat su ringratziamentu de su presidente de sa Regione, Christian Solinas: “Unu signale forte e importante”. L.M

De lèghere

Cultura

Postu in su cùcuru de unu tacu, a oto chilòmetros dae sa bidda de Osini, in s’ala tzentru-orientale de sa Sardigna, s’agatat una de...

Tzitades e biddas

S’amministratzione comunale de #Vitzi invitat totu is assòtzios, is voluntàrios e totu is tzitadinos chi in custas oras, in manera garbosa, sunt donende o...

Atualidade

Semus giai in su mese de argiolas e ocannu custa est sa prima borta chi torrat a pìgiu sa chistione de is ladrones de...

Atualidade

Pro prevènnere su contàgiu de Coronavirus, su ministeru de sa Salude at difùndiu deghe cussìgios de sighire. Unu vademecum chi est istadu imbiadu puru...

Istòrias est una revista de informatzione in linia in limba sarda a règula cun s'istandard de sa Regione Sardigna. Est unu produtu de s'Asòtziu culturale Arvéschida.


|Gerèntzia | Pro ite custa revista | Riservadesa | Archìviu |


Copyright © 2022 |Registratzione in su Tribunale de Casteddu n°5 de su 14 de su mese de Trìulas 2018