Est in lìnia su vìdeu “Santa Lucia”, cuncordadu dae su coolletivu musicale Stellare in intro de su progetu artìsticu de A-MARE Festival, sa manifestatzione chi tzèlebrat su mare, s’isporte e sa mùsica in su bidditzolu de Santa Lughia, in su comunu de Thiniscole. Su petzu est a disponimentu de totus in formadu digitale unidu a unu vìdeu evocativu chi trasmitit is colores e is atmosferas de su bidditziolu de mare baroniesu.
Cumpostu daa Ale Bavo e Raffaele Rebaudengo, duos de is tres produtores de Stellare, “Santa Lucia” est su resurtadu de una residèntzia creativa e de iscriòngiu collettivu chi at bortadu Santa Lughia in un’istùdiu de registratzione a s’abertinu.
Su petzu regollet sonos ambientales registrados in loco e contribuidos artìsticos collidos in su fèstival, comente un’estratu de s’àudiu-documentàriu “Cicàlia” de Valeria Muledda, sa boghe de su poeta e giornalista Mauro Piredda chi leghet “Camineras” de Giuanne Fiore, e sa partetzipatzione de su coro polifònicu “Santa Luchia de Thiniscole”, dirìgidu dae Grazia Miscera.
Su progetu est firmadu dae Stellare, su colletivu musicale chi ponet a pare eletrònica, jazz, clàssica e paisàgiu sonoru, cun collaboratziones chi andant dae Francesco De Gregori a Mina, dae is Subsonica a Capossela. In “Santa Lucia”, su traballu issoro lompet a puntas noas de isperimentatzione emotiva e territoriale, contribuende a tratzare una “geografia sonora” originale de sa Sardigna.
Sa gràfica de su progetu, inclùdida sa cobertina e su videoclip, est contivigiadu dae Alex Goddi (Intu Agency), cun sa collaboratzione de Mariagrazia Canu e Luca Mura, giai curadores de s’ùrtima editzione de A-MARE Festival.
S’initziativa est promòvida dae s’Assòtziu Culturale Frammenti cun s’amparu de su Comunu de Thiniscole, e sa partetzipatzione de medas collaboratores locale. Su fèstival A-MARE si distinghet pro s’acostamentu sustenìbile e comunitàriu suo: laboratòrios, fainas a s’abertu, documentàrios, mùsica e turismu pàsidu sunt sos elementos crae de una manifestatzione chi avalorat su territòriu cun creatividade e rispetu.
Attività realizzata col contributo della Regione Sardegna – IMPRENTAS 2024-2025. LR 22/2018. Atividade realizada cun su contributu de sa Regione Sardigna – IMPRENTAS 2024-2025 LR 22/2018
