Dae su 22 de freàrgiu a s’8 de martzu 2025, sa Galleria PicassArt de Nùgoro, acasàgiat sa mustra de pintura “I Maestri Sardi del ‘900”. S’initziativa, in collaboratzione cun PicassArt de Nùgoro e gràtzias a sa cuntzessione de colletzionistas privados, at a donare sa possibilidade a totu is bisitadores de s’imbèrghere in s’arte sarda de su ‘900, pro mèdiu de sas òperas sos artistas isulanos pru importantes de su sèculu coladu.
Sa mustra aberit a su pùblicu dae su 22 de freàrgiu, a ora de sas 18:00, finas a s’8 de martzu. Si tratat de un’ocasione ùnica pro ammirare sa variedade de istiles e linguàgios pitòricos chi ant caraterizadu s’arte sarda de su Noighentos, chi testimòniat s’acàpiu fungudu sa traditzione e sas impèllidas innovativas chi ant rugradu su sèculu.
Tra sas òperas in espositzione, podimus remonare sas de Giuseppe Biasi, Costantino Nivola, Mario Delitala e Carmelo Floris, ma fintzas de àteras medas figuras de importu chi, cun sas pinturas issoro, ant contadu sa Sardigna gràtzias a sa potèntzia de sas imàgines e a sa sensibilidade de sas bisiones artìsticas issoro. Sas telas in mustra, difatis, sunt comente una ventana chi s’incrarat subra s’istòria, sa cultura e s’identidade de s’ìsula.
Sa Galleria PicassArt, in bia de IV Novembre n.17, at a acollire sos bisitadores a mangianu dae sas 10:30 a sas 13:00 e a merie de sas 16:30 a sas 19:30. Pro nde ischire de prus o pro prenotare una bìsita, est a mutire sos nùmeros 3205672169 e 3338503768 o iscrìere a s’indiritzu de posta eletrònica privartcollezioni@gmail.com.
Attività realizzata col contributo della Regione Sardegna – IMPRENTAS 2024-2025. LR 22/2018. Atividade realizada cun su contributu de sa Regione Sardigna – IMPRENTAS 2024-2025 LR 22/2018
