Sighi∙nos

Salude, ite ses chirchende?

Atualidade

Un’azienda sarda chi produit orrosu est intrada in sa revista Forbes

Reconnoschimentu importante pro ‘Riso Passiu’. S’azienda aristanesa fundada in su 1975 dae Genesio Passiu, cun 130 ètaros de propiedade, intrat in sa classìfica de sos 100 primores italianos de Forbes 2022, ùnica impresa de su setore de s’arrosu in Itàlia remonada dae sa rivista istadunidensa de economia.

S’editzione italiana de sa rivista famada pùblicat ogni duas chidas artìculos de cultura econòmica, e in prus sas classìficas de sas mègius impresas. Si tratat de unu traguardu de importu pro s’azienda aristanesa, premiada pro èssere resèssida a avalorare sos produtos de su territòriu.

Satisfatu meda Felice Passiu, titulare de sa sotziedade e responsàbile cummertziale e tècnicas de mercadu: “Pro s’arrosu nostru su de èssere istados seletzionados tra sos 100 primores italianos de Forbes est un’importante vetrina a livellu natzionale e internatzionale. Custu reconnoschimentu, chi cumpartzimus cun totu s’iscuadra, est unu bàntidu pro sa terra nostra e at a èssere de ispetu bonu pro sos progetos benidores nostros”.

Gràtzias a s’agiudu professionale de ‘So Wine Isco Food’, sunt istados seletzionados sos 100 primores italianos, partzidos in bator categorias: hotel, ristorantes, produtos alimentares e binos. In su nùmeru nou de freàrgiu 2022, Forbes Italia at publicadu paris cun su volùmene 52 sa lista de sos 100 primores italianos de su “food & wine”, chi rapresentant una vetrina privilegiada de sas realidades italianas.

Su fascìculu est una “fotografia” de is mègius produtos italianos, binu e màndigu e de s’ospitalidade, ma fintzas de s’imprenditorialidade prus rafinada e atenta a su chi càpitat in s’ambiente nostru”.
Dae sos annos Setanta s’azienda agrìcula Passiu s’est donada a coltivare arrosu cando galu fiat pagu difùndidu in Sardigna. In su 2015 Felice Passiu, su fìgiu prus mannu, at dadu vida a su progetu “Riso Passiu” paris cun su frade Andrea, responsàbile de sa produtzione, e cun su babbu Genesio. In sas terras de s’azienda, in su Campidanu de Aristanis, benint coltivadas siat variedades istòricas de sa risicoltura italiana, siat variedade prus reghentes, ognuna cun caraterìsticas particulares.


Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22 Attività realizzata col contributo della Regione Sardegna – IMPRENTAS 2021-2022. LR 22/2018, art. 22

Pro respùndere

Leave a Reply

Il tuo indirizzo email non sarà pubblicato. I campi obbligatori sono contrassegnati *

De lèghere

Atualidade

Est cosa nòdida, a pitzu de sos sardos esistint maicantos istereòripos e logos comunos. Medas faghent a rìere, àteros, sos prus malos, ponent fele,...

Cultura

Su tzìnema de s’Àsia arribat in Sardigna cun una seletzione de in prus de 20 film tra anteprimas italianas e europeas. Dae su 7...

Cultura

Cumentzat dae su Queensland su biàgiu chi at a batire sa rassegna de Visioni Sarde in totu su mundu. Est de importu chi movat dae s’Austràlia una rassegna destinada a promòvere su giòvanu...

Cultura

S’est concruida martis su 21 de onniasantu in sa tzitade belga de Gand sa premiatzione de su Brussels Beer Challenge, unu de sos cuncursos...