“Mura a foras dae su Movimentu: chini non sighit is règulas andat a domo”. Cun custas paràulas publicadas in facebook Mario Puddu, su coordinadore de su M5s in Sardigna, narat chi Andrea Mura no faghet prus banda de su movimentu. “Andrea Mura – iscriet Puddu – fiat istadu candidadu pro fàghere su parlamentare de sa Repùblica italiana, a patu de sighire pretzisas règulas: sa diminutzione de s’istipèndiu e s’impignu costante in Parlamentu. Cun àteras fortzas polìticas est posìbile fàghere intreas carreras polìticas sena andare in Parlamentu, ma non cun su Movimentu 5 Isteddos. Cun nois – concluit – abarrat isceti sos chi sighit sas règulas. Pro chi bolet solu una poltrona non b’at tretu”.
Aici Mura at a pagare s’intervista a La Nuova Sardegna a sa cuale aiat naradu, giustifica•nde•si pro is numerosas ausèntzias dae sa Camera, chi issu faìat polìtica andande a barca a vela comente testimonial contra a s’incuinamento de su mare. Eris, posca sa polèmica lompia finas in sos giornales natzionales, Mura aìat naradu chi su Movimentu ddu aiat lassadu a solu e chi s’intervista fiat una fake news.