Lòmpidu a sa de chimbe editziones, cada annu sighit a propònnere a is partetzipantes itineràrios inèditos e zonas de sa Sardigna semper noas. Numerosas sas àreas de su territòriu sardu interessadas, totus seberadas a manera de evitare su prus possìbile is caminos asfaltados Dae sàbadu 23 a lunis 25 de abrile, torrat sa Belvì Trail. S’at pòdere seberare una de is tres diversas distàntzias – 100, 200 o 300 chilòmetros – de percùrrere a bitzicleta (mountain bike o gravel) tra caminos biancos, filetos, àndalas, a traessu de is montes e is sartos de sa Sardigna finas a Casteddu.
Est sa primu bia chi s’eventu isportivu arribat gosi a sud cun sa distàntzia prus lònga de 300 km, lompende finas a sa marina de su Poetu, is salinas e s’istàinu de Molentàrgius cun is suos mangones rosa.
Lòmpidu a sa de chimbe editziones, cada annu sighit a propònnere a is partetzipantes itineràrios inèditos e zonas de sa Sardigna diversas. Non ddoe at unu tempus màssimu pro cumpletare su percursu e ognunu podet interpretare a praghimentu su percursu: cun ispìritu tzicluturìsticu, allogende in albergos e b&b longu su percursu, in tenda suta carchi mata seculare, opuru cun ispìritu isportivu pompiende semper relògiu.
In cadauna de is tres diversas longàrias – 100, 200 o 300 chilòmetros – su percursu no at a èssere marcadu e at a tocare a sighire is inditos gps chi s’organizatzione at a intregare a totus is iscritos in is dies a in antis de sa partèntzia. Podent partetzipare totus is chi intro s’iscadèntzia ant a cunsignare a s’organizatzione sa cuota de partetzipatzione, su tzertificadu mèdicu isportivu e datos personales.
Àtera novidade de ocannu sa rugrada de sa Marmidda, logu acanta dae su 2015 a su 2019 s’est acumprida sa MyLand MTB NON STOP, pedalende subra antigos pontes in pedra, trintzeas e gallerias de sa ferrovia dismìtida. Peri ocannu cada partetzipante at a èssere controlladu gràtzias a su servìtziu SeteTrack chi at marcare sa positzione de cada partetzipante. Si tratat de unu sistema ùtile siat pro sa seguresa de is partetzipantes, siat pro permìtere a chie bolet de sighire s’eventu dae domo colleghende•si a s’apòsita pàgina de internet, mancari apassionende•si e faghende s’ala a su prus lestru o a su prus bonu.
Pro nde ischire de prus: www.belvitrail.com / info@belvitrail.com /Tel. 393.907.20.62
Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22 Attività realizzata col contributo della Regione Sardegna – IMPRENTAS 2021-2022. LR 22/2018, art. 22
