Sunt colados 17 annos de s’ùrtimu album (2003) e sete de cussu cuntzertu in su palcu in nue ant sonadu a pustis Max Gazzè e Malika Ayane a su Mondo Ichnusa de su 2013. Immoe is Red Crystal, banda istòrica sarda naschida in su 1986, est pronta a torrare in su palcu de su Fabrik pro sa presentada de s’album nou: ‘Red Crystal’.
Sa band, chi in sos annos at donadu a totus sa proa de èssere brava meda a sas contaminatziones musicales dimustrat, cun custu discu nou, de èssere pronta a pigare diretziones inèditas, sena ismentigare cantu imparadu in custos annos: sa cura pro sas minudas e sos sonidos chircados cun su stùdiu, pro adeguare mùsica e testu e a sas situatziones prus difitziles.
Red Crystal. “No apamus bòlidu sighire sas modas, ma apamus chircadu, pro cantu possìbile, de sighire su sonu nostru, bolende èssere su prus possìbile coerentes cun s’istòria nostra”. Sos Red Crystal, cun sa boghe balente de Luca Puddu, proponent cantzones cuadradas e cun ritmos detzisos, creados dae su bassu de Maurizio Viccaro. Su sìngulu “Passiones Perigulosas”, chi antìtzipat s’album, giai de sas primas notas abbaret in conca in deretura (“…suona la cetra, senti i tuoi versi…riempire il fondo dei tuoi silenzi!”), acumpangiadu dae sas partituras tastieristicas de Giovanni Collu. Un’album istruturadu, arricadu dae sa chiterra de Matteo Piseddu.
Dae bivu. Sos Red Crystal ant a èssere live a su Fabrik. Su cuntzertu est programmadu su 1 freàrgiu a sas 22. Sa banda at a fàghere totus sos 10 petzos de s’album e carchi petzu de sas publicatziones pretzedentes de sa band, cun sa partetzipatzione istraordinària de carchi ex Red Crystal comente a Giorgio De su Rio e Daniele Cadelano. In su palcu at a èssere presente puru Andrea Morrone in calidade de special guest a sa segunda chiterra.
