Sardigna
Itàlia
Mundu
Cultura
Iscièntzia & Tecnologia
Cuntata∙nos
▶️ Istòrias TV
📨 Chida
Whatsapp

Sighi∙nos

Salude, ite ses chirchende?

Istorias

Sardigna
Itàlia
Mundu
Cultura
Iscièntzia & Tecnologia
Cuntata∙nos
▶️ Istòrias TV
📨 Chida
Whatsapp

CHIDA. Cantzella s’iscritzione dae sa lìtera de novas

Fai clic su questo link per smettere di ricevere le nostre email.
Sì, disiscrivimi

Lascia questo campo vuoto

Iscrie·ti a CHIDA sa lìtera de novas de Istòrias

Nùmene *

Email *

Tenìmus sos datos tuos privados e ddos impreamos isceti pro su servìtziu de sa lìtera de novas. Castia in sa pàgina 'riservadesa' pro nde ischìre de prus.

Castia sa casella de posta pro cunfirmare s'iscritzione a sa lìtera de novas. Dona attentzione finas in sa 'spam'.

istorias.it

Sa revista in lìnia isceti in sardu

➡️Acàpiu in sa bio de Instagram ⬆️

➡️Acàpiu in sa bio de Instagram ⬆️

Duos podcast noos in limba sarda arribbant pro don

Duos podcast noos in limba sarda arribbant pro donare boghe a is istòrias e a is pessonàgios de sa Sardigna: sunt “Postali Blues” e “Arràbiu”, ambos disponìbiles in lìnia in is canales de streaming e in direta in sa Radio Unione Sarda.

Postali Blues, unu biàgiu a traessu de sa Sardigna. Est su podcast nou prodùidu dae RTS – Radio Televisione Sarda, ghiadu dae Elio Turnu Arthemalle e Lele Pittoni, chi batint s’ascurtadore a s’iscoberta de sa Sardigna prus profunda e ispantosa. Intre bisu e realidade, is duos autistas acollint in su postale passigeris istraordinàrios: figuras poèticas, surreales e irònicas.

Su podcast, dirìgidu dae Paolo Carboni e Mauro Pes, est cumpostu dae 11 puntadas. In direta cada lunis a is tres de merie in Radio Unione Sarda (www.radiounionesarda.it) e disponìbile in direta dae su martis a pustis.

Arràbiu, sa segunda istajone de Bar Santropè. A pustis de sa resessida otenta un’annus a oe dae su podcast Bar Santropè, arribbat “Arràbiu”, sa segunda istajone. Su tzilleri at serradu, ma is istòrias sighint a bìvere in is caminos, bighinados e pratzas de Casteddu: est sa tzitade su coro de custa sèrie noa prodùida dae Areavisuale Film, in paris cun Terra de Punt srl, Assòtziu Culturale Babel e Assòtziu Culturale Arvèschida, e giuta dae Elio Turnu Arthemalle cun sa regia de Paolo Carboni, Elio Turnu Arthemalle e Mauro Pes. Firmant is testos Antonello Deidda paris cun Maria Elena Garau e Paolo Carboni.

S’istajone est cumposta dae 17 puntadas. In direta cada mèrcuris a is tres de merie in sa Radio Unione Sarda. Disponìbile in direta de su giòvia a pustis.

Ambos is podcast sunt istados realizados cun su contributu de sa Regione Autònoma de sa Sardigna in s’àmbitu de “IMPRENTAS 2024-2025. LR 22/2018, art. 22. LÌNIA C1.

#postaliblues #arrabiu #rts #sardu #insardu #limbasarda

Est a disponimentu in is prataformas de streaming

Est a disponimentu in is prataformas de streaming Bonito Dia su branu nou de Randagiu Sardu in cale sa limba sarda si mesculat cun is ritmos raggae, funky, raggamuffin e adobiat “in unu diàlogu musicale chi barigat cada barriera linguìstica e culturale”.

Sa collaboratzione intre Randagiu Sardu (Carlo Concu), cantautore e rapper sardu originàriu de Seddori, cun is mùsicos cubanos Yoris Beltran e Juan Carlos Avila (ambos giai Maxima79 e fundadores de sa Santosuarez Orquesta), est un’addòbiu artìsticu, batidu dae in antis gràtzias a s’assòtziu culturale Palazzo D’Inverno, chi ponet in paris sa limba sarda e s’ispagnolu cubanu, dende vida a un’òpera intensa e ispantosa.

“Bonito Dia est su petzu de cale tenia bisòngiu – narat Randagiu Sardu -, un’ischida musicale lìbera de ischemas, sena pònnere mente a is istrofas. Est sa fotografia de su momentu chi semus bivende, unu perìodu ue bivimus in su mundu beru petzi pro lu pòdere ammustrare in cuddu virtuale”.

Sa cantzone noa est unu contu intre riflessione e isperu, intre denuntzia e gana de tzelebrare sa vida. A palas de sa melodia e su ritmu lèbiu, Bonito Dia afruntat temàticas de importu sotziale. Randagiu Sardu cantat de temas atuales comente su feminitzìdiu, sa gherra e is cuntierras in àutu.

Randagiu Sardu cunfirmat in custu branu sa capatzidade sua de contare su presente, de coniugare traditzione e innovatzione, e de dare boghe a temàticas globales mantenende firmu su ligàmene cun is raighinas pròpias.

Registradu e mixadu dae Samuele Dessì in su Noize Lab Studio de Cabuderra, su petzu est istadu prodùidu dae s’assòtziu culturale Palazzo d’Inverno, dae semper atenta a promòvere progetos artìsticos chi faghent faeddare paris culturas, identidades e limbàgios diferentes.

#ISTORIAS #LIMBASARDA #INSARDU #RANDAGIUSARDU

Salude dae CHIDA sa lìtera de novas de ISTORIAS.IT

Salude dae CHIDA sa lìtera de novas de ISTORIAS.IT sa revista isceti in sardu

A s’agabbu de cada chida t’amus a imbiare una lìtera cun sos artìculos agiornados de sa revista.

Iscrie·ti: acàpiu (link) in BIO

#istorias #chida #limbasarda #insardu #sardu #newsletter

😊

Si cumintzat martis 29 de ladàmini a sas 19 cun “P

Si cumintzat martis 29 de ladàmini a sas 19 cun “Polvere” de su regista casteddàiu Paolo Carboni. Unu curtzumetràgiu chi contat s’istòria de Aldo Scardella chi in su 1985 si fiat mortu a manu sua etotu in su càrtzere de Buoncammino a pustis de 185 dies de presone cun s’acusa de àere bochidu su titulare de una butega in Casteddu.

Mèrcuris 6 de santandria a sas 19 su merie at a èssere dedicadu a sos curtzumetràgios “Tilipirche” de Francesco Piras, “Dalia” de Joe Juanne Piras, e a su teaser de su documentàriu “Piene di voci, gli occhi” de Marco Spanu.

“Tilipirche” est ambientadu in Noragugume in s’interis de una invasione de tilipircas chi devorat cada cosa: unu pastore devet afrontare su coladòrgiu de testimòngiu, de babbu a fìgiu, pro sa gestione de s’ovile.

“Dalia” afrontat un’istòria lègia. Sara, una pipìa de 7 annos, benit agatada ammortìa in su padente. Fiat istada drogada e abusada. Est su casu prus difìtzile chi Dalia, psicòloga infantile, apat mai afrontadu. Sa fèmina tenet pagu tempus pro cumprèndere ite siat sutzèdidu, prima chi acadessat un’àtera borta.

In su merie at a èssere presentadu su teaser de su documentàriu “Piene di voci, gli occhi”: unu progetu documentàriu chi bolet contare s’istòria disconnota de sas comunidades surdas.

Mèrcuris 13 de santandria est prevìdida s’ùrtima die de projetziones. Est intregada a sos curtzumetràgios “Binario morto” de Antonio Maciocco e “Quello che è mio” de Gianni Cesaraccio. Maciocco afrontat su tema de su suitzìdiu. A pustis de àere pèrdidu su traballu in su nord Italia, Tommaso torrat in Sardigna. Disisperadu, seberat de si bochire corcande in sas rotajas de sa ferrovia. Si tratat però de unu binàriu mortu; un’addòbiu improvisu donat a su protagonista una segunda possibilidade.

“Quello che è mio” est unu film chi denuntziat sas cunsighèntzias tràgicas chi ant corfidu prus de 4000 sordados italianos in s’arcu de sos ùrtimos 50 annos, a càusa de s’espositzione a materiales tòssicos presentes in sos armamentos militares.

#istorias #sardigna #film #limbasarda #sardu #insardu #casteddu #limbas #casteddu

Sa tundimenta de is berbèghes in Sardigna contada

Sa tundimenta de is berbèghes in Sardigna contada in unu libru fotogràficu. Dd’at iscritu Francesco Pintore giornalista e fotògrafu. S’òpera est istada presentada in su BìFoto fèstival internatzionale de sa fotografìa de Mòguru.

Su progetu, pubblicadu dae Abba Edizioni, regollet chimbe annos de fotografìas realizadas dae s’autore e naschet cun sa punna de documentare su trebballu de is pastores in s´Ísula. In custu tempus Pintore at contadu duos argumentos chi pertocant is sartos nostros: s’avolotu de is pastores (su 2019) e su contu a fotografias de sa tràmuda de su bestiàmene dae Désulu a Làconi.

Como tocat a sa tundimenta de is berbèghes, unu costumu antigu meda chi in Sardigna, dae is primos annos Otanta de su séculu coladu, cun s’arribbu de pastores frantzesos e neozelandesos in Sardigna at connotu unu mudamentu tecnológicu e antropológicu de importu.

In su libru is immàgines, bortadas in biancu e nieddu, descrient sa fase de sa tundimenta: si podet bìdere sa pelea de is pastores, is ainas tecnològicas e lamas imprendas ma finas momentos comente sa regorta de sa lana o cando is pastores si pasant e giogant a sa murra. Is fotografìas benint acumpangiadas dae testos chi ispiegant comente est mudende custu ritu chi in is annos est diventadu finas unu trabballu cun iscuadras de tundidores chi in s’istade andant in medas aziendas de sa Sardigna.

#istorias #sardigna #sardegna #insardu #limbasarda #tundhimentas #sardu #sardigna #sardegna

Est essidu “Il sogno dei pastori”, longumetràgiu a

Est essidu “Il sogno dei pastori”, longumetràgiu ambientadu in una Sardigna cuntemporànea chi indagat sos disafios de su setore agropastorale, ponende a notu sa crisi funguda sua. Sos pastores, dannificados dae sos prètzios bassos de su late e dae s’epidèmia de sa limba bleu, chircant a sa disisperada sa manera pro parare fronte a sas dificultades issoro.

Sa pellìcula est unu film modernu e poèticu chi si movet intre contu e cummèdia, imberghende su pùblicu in paisàgios sardos ispantosos chi nde leant s’alenu. Sa prima essida natzionale de su film est istada projetada in manera simultànea su 10 de santugaine in Casteddu e in Roma in su Cinema The Screen, cun sa presèntzia de su regista Tomaso Mannoni, de s’atore protagonista Alessandro Gazale e de sos produtores Luca Cabriolu e Andrea Di Blasio. Su film at a abarrare in programmatzione in Casteddu e posca at a èssere distribuidu in àteras salas regionales e italianas.

#istorias #cinema #limbasarda #insardu #sardu #ilsognodeipastori #sardegna #sardigna

Sa festa de Halloween est apresiende·si e su fumet

Sa festa de Halloween est apresiende·si e su fumetu de su famadu indagadore Dylan Dog s’ammàniat a apassionare sos leghidores suos cun unu volùmene nou intituladu “L’Oscuro messaggero”, iscritu e pensadu dae su regista sardu Mauro Aragoni.

Mauro Aragoni est unu giòvanu regista tortoliesu, connotu prus che totu pro su curtzumetràgiu “Nuraghes” e pro sa sèrie internatzionale “That Dirty Black Bag”, dae pagu in sa seletzione de Netflix Istados Unidos. Sa collaboratzione sua cun Pasquale Ruju, unu de sos iscenegiadores prus respetados de su giornaleddu italianu, at ingendradu un’istòria chi chistionat de temas iscuros e cumplessos. Ruju, chi iscriet dae annos meda pro is giornaleddos de Dylan Dog e Tex, est un’àteru orgòlliu sardu chi at contribuidu a rèndere custu volùmene galu prus ispetziale.

In s’episòdiu de “L’Oscuro messaggero” maicantas persones retzint pachetes postales e posca si suitzidant. Dae inoghe cumentzat s’inghesta de Dylan Dog, chi gràtzias a s’intùitu suo iscoberit su motivu de totu custas mortes istrambas. S’istòria est istada iscrita cun s’idea de subènnere sas atmosferas de Sclavi, su creadore de su personàgiu, ma cun una versione “splatter”, su gènere chi agradat a Aragoni.

Iscriende su contu Aragoni at dèvidu afrontare su disafiu de iscrìere unu limbàgiu giai icònicu, caraterizadu dae diàlogos intzisivos e dae una narratzione visiva rica meda. Cada vigneta est istada descrita a pilu e a sinnu, frunende a su disegnadore Antonio Marinetti totu sos inditos netzessàrios pro dare vida a sa bisione horror de s’istòria. Marinetti, gràtzias a su talentu suo, at ischidu bortare sas ideas de Aragoni in imàgines ammajadoras e inchietantes, creende un’acòrdiu perfetu intre testu e illustratziones.

Pro tzelebrare Halloween, Sergio Bonelli Editore, in prus de s’editzione regulare de su giornaleddu, disponìbile dae su 14 de santandria, at a fàghere essire fintzas un’editzione limitada pro collezione cun una cobertina lenticulare in 3D. Custa editzione esclusiva at a èssere presentada in anteprima a su Lucca Comics 2024.

#sardu #insardu #istorias #limbasarda #imprentas #dylandog #sardegna #sardigna #halloween #sergiobonellieditore #mauroaragoni

Est prevìdida sàbadu 19 e domìniga 20 de ladàmini,

Est prevìdida sàbadu 19 e domìniga 20 de ladàmini, in Mòguru, sa de batordighi editziones de su BìFoto Fest, fèstival internatzionale de fotografia chi ocannu tenet comente tema de riferimentu su branu Society, de su mùsicu e cantautore istadunidensu Eddie Vedder.

Ant a èssere duas dies ricas de eventos, mustras e presentadas de libros chi ant a tènnere comente tema una riflessione subra de sa sotziedade nostra.

Su fèstival cumintzat sabadu a sas 16:30 in piazza Giovanni XXIII, cun sos saludos istitutzionales, sighit una bìsita a sas 8 mustras fotogràficas in su tzentru istòricu de Mòguru acanta b’ant a èssere sos progetos binchidores de su Prèmiu BìFoto e su traballu de su fotògrafu danesu Søren Solkær, realizadu in parte fintzas in Sardigna.

Sas mustras de ocannu, chi si podent bìdere totu s’annu in sos caminos e istradas de sa bidda, ant a andare a s’agiùnghere a sas installadas in sas editziones coladas de su fèstival, arribbende a unu totale de prus de 400 fotografias.

Sos binchidores de su Prèmiu BìFoto 2024 sunt Cédric Dasesson cun “Luoghi Comuni”, Alessio Cabras cun “Volevo colori forti” e Federica Zani cun “Where the wild things went?”.

In prus, sas àteras chimbe mustras includent “Beyond Plastic Nets” de Annalaura Cattelan, “Le città sottili” de Dario De Dominicis, “Black Sun” de Søren Solkær, “Enguera” de Stephanie Gengotti e “ReExist”, unu progetu de su colletivu fotogràficu Ronin cumpostu dae Alfredo Bosco, Giacomo d’Orlando e Karl Mancini.

Sa die s’at a concruire in sa Fiera dell’Artigianato artistico cun sa Festa BìFoto, chi at a acasagiare sa banda The Corners.

Domìniga 20 santugaine, partinde dae sas 10, in sa sala cunvegnos de sa Fiera at a èssere possìbile leare parte a sas leturas portfolio curadas dae sos fotògrafos Dario Coletti, Dario de Dominicis, Sandro Iovine e Stephanie Gengotti: tra sos traballos presentados ant a èssere seberados tres progetos binchidores de ateretantos prèmios.

Semper in sa Fiera partinde dae sas 10:30, sas presentadas de sos libros Tundhimentas de Francesco Pintore e In the Name of Wellness de Karl Mancini

Unu cuntratu de filera tra pagu prus o mancu binti

Unu cuntratu de filera tra pagu prus o mancu binti produtores sardos de birra artesanale e sa Cooperativa Ìsula Sarda chi riunit sos produtores sardos de laore. Dae sa Sardigna arribat su primu progetu in Itàlia pro sa creatzione de una filera regionale de sa birra.

Traballant a su progetu, chi punnat a devènnere unu modellu fintzas in sas àteras regiones italianas, su Cunsòrtziu Birra Italiana, sa cooperativa Isula Sarda e sa Coldiretti.

Gràtzias a sos 60 ètaros coltivados in s’atòngiu 2023 e regortos in s’istiu 2024, mancari sos fogos e sa sicagna, b’at giai sos primos resurtados. Sa cooperativa de produtores agrìculos, paris cun su cunsòrtziu de filera, at frunidu a sos massajos locales òrgiu de sa matessi variedade e assistèntzia agronòmica, garantende unu tziclu de produtzione controlladu. S’òrgiu regortu – faghet ischire sa Coldiretti – est cunferidu a sa cooperativa, chi ddu limpiat e faghet sa “calibradura” in antis de l’imbiare a sa malteria pro ddu fàghere in “maltu”. A pustis su maltu benit torradu e est prontu pro èssere impreadu dae sos produtores de birra.

Gràtzias a custu protzessu sos produtores agrìculos diat dèpere otènnere una remuneratzione prus arta respetu a sos prètzios de sa Borsa Merci de Bologna, mentras sos birrifìtzios resessent a reduire sos costos de trasportu de sa matèria prima ca at a èssere semper a disponimentu in Sardigna.

Pro su benidore su progetu previdet cursos de formatzione pro sos massajos subra su coltivu de s’òrgiu e sa crèschida de sas superfìtzies coltivadas, cun s’obietivu de ammanniare sa produtzione. In programa b’at finas sa creatzione de sos “Caminos de sa Birra sarda” pro sa promotzione de su “birraturismo”.

#sardigna #limbasarda #birrasarda #sardu #insardu #istorias

Sìghi·nos in Instagram

Istòrias est una revista de informatzione in lìnia in limba sarda. Est unu produtu de s'Asòtziu culturale Arvéschida.

|Gerèntzia | Pro ite custa revista | Riservadesa | Cookies | Archìviu |

Copyright © 2025 | Registratzione in su Tribunale de Casteddu n°5 de su 14 de su mese de Argiolas 2018