Un’app pro connòschere sas lìnias e sos oràrios de sos veìculos de trasportu pùblicu de sa Sardigna, contare unu percursu e, in su benidore, acuistare billetes e abbonamentos. Dd’ant tzerriada ‘Teseo Sardigna’, est istada isvilupada dae sa sotziedade GreensShare e est giai pronta pro dda scarrigare in sos market de sos telefoneddos Android e iOs. S’aplicatzione est istada isvilupada impreende sos open data de sa Regione Sardigna in su giassu Sardigna Mobilidade.
GreenShare, naschida in su 2013 comente a spin-off de s’Universidade de Casteddu, tenet intre sos clientes suos aziendas de trasportu comente a su Ctm Casteddu, su Atp Tàtari, Asp Asti, Tep Parma, Fara Biàgias Group, Anglona Tour e Sardabus.
Innoi a suta podeis bidere carchi screenshot de s’app
