Deghe dies a girollu in is curvas de sa Sardigna? Nche pensant cussos de Pastores in Moto S'assòtziu promovit su mototurismu in s'Isula

Sa novidade subra duas rodas si mutit ‘Movimentu e Rigeneratzione’ e est un’idea isvilupada dae is Pastores in Moto, assòtziu promotore de mototurismu in Sardigna. Custa borta su grupu depet andare a castiare sa manifestazione chi si lamat Dromos Fèstival, eventu mannu chi s’at a tènnere in àrea de Aristanis, cun artistas de fama internatzionale.

“Movimentu e Rigeneratzione – narant sos organizadores – est una terapia pro si pasare subra duas rodas. Unu biàgiu de deghe dies cara a sa paghe de sos sensos, intre percursos introspetivos e mudos, a intre su monte e is padentes, pro chircare esperièntzias sensoriales sena eguales”.

Deghe giros in moto cun unu tema comunu, pro acumpangiare sa mente e su corpu finas a si abandonare a su trasportu de sas artes de su fèstival Dromos.

S’assòtziu. S’idea de sos Pastores in Moto est pensada in su 2016 de Nicola, pastore, Igor Nicola, fitness trainer e Giuseppe, ingegneri eletrònicu, pro sighire initziativas pro fàghere de s’Ìsula unu riferimentu internatzionale pro su mototurismu.

“Sos Pastores in Moto – si leghet in sa presentada de sa pàgina Facebook – promovent su mototurismu in Sardigna oferende a sos mototziclistas eventos mirados, e in prus a un’archìviu logos bellos meda in totu s’intrea superfìtzie regionale”.

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.