Eletziones, Paolo Truzzu est su sìndigu nou de Casteddu Su tzentrudestra torrat a gubernare sa citadi a pustis de oto annos

Paolo Truzzu, consigeri regionale de FdI, est su sìndigu nou de Casteddu. Su candidadu de su tzentrudestra binchet a su primu turnu, cun su 50,1% de sos votos, contra a sa candidada de su tzentrumanca Francesca Ghirra – assessora uscente a s’Urbanìstica – chi s’est firmada a su 47,7%. Su de tres candidados, Angelo Cremone (lista Verdes), at pigau su 2,1%. No bi fiat su M5s.
A pustis de oto annos, duncas, Casteddu torrat a su tzentrudestra chi aiat guvernadu sa tzitade in dae sos primos annos Noranta cun Mariano Delogu in antis e Emilio Floris posca, finas a sa resessida, in su 2011, dae Massimo Zedda, riconfermadu posca tres annos faghet a su primu turnu.
In Casteddu s’est torradu a botare, cun duos annos de antìtzipu, pro ite su matessi Zedda, candidadu presidente de su tzentrumanca a sas regionales de freàrgiu, at optadu pro su sègiu in Cussìgiu regionale.

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.