Ponet fogu longu sa 131, cassadu dae is telecameras Un'omine de 68 annos diat èssere su responsabile de un'incendiu postu in s'istrada statale 131

Est unu pregiudicadu de 68 annos s’òmine chi podet èssere su responsàbile pro su fogu de su coladu 29 de su mese de trìulas in su territòriu de Serrenti, a pustis de s’anàlisi de sas videocameras e sa regorta de proas esecutadas dae su Nùcleu investigativo de s’Ispettoradu de Casteddu de su Corpu Forestale e de Vigilàntzia Ambientale.

S’iscumbata est cumentzada dae una pariga de novas arribadas pròpiu sa matessi die a su tzentru operativu de su Corpu forestale. Su fogu, in sa zona industriale de Serrenti (localidade Villasanta) longu s’istrada istatale 131, aiat postu in periculu sa seguridade de sos automobilistas. Sas novas retzidas dae su Corpu forestale pertocaiant fintzas sa presèntzia de un’indivìduu chi appicaiat sas framas. S’interventu de su Nùcleu investigativo de su Corpu forestale at cunsentidu de collire sas testimonias e achirire totus sas figuaras de sas telecàmeras de bardiamentu de sos istabilimentos in tundu.

Dae s’anàlisi de sa documentatzione video, est istadu aclaradu chi s’òmine aiat pigadu unu caminu isterradu e posca aiat firmadu su pròpiu veìculu pro dare fogu a sas matas. Dae inoghe sas framas sunt divampavadas. Isceti pro fortuna su fogu non s’est isvilupadu cun prus graves cunsighèntziase unu bighinu distribudore de carburante. Sos incuirentes ant individuadu s’identidade de s’intzendiàriu: unu omine de 68 annos de Serrenti, pregiudicadu e ex cumponente de sa locale cumpangia barracellare. Su reatu cuntestadu est intentadu fogu dolosu, santzionadu cun una pena finas a deghe annos de presone. Pro sa gravidade de su fatu, su giùighe de sas iscumbatas preliminares Roberto Cau, a pustis de sa pregunta de su pùblicu ministeru Giangiacomo Pilia, at aplicadu sos arrestos in domo. Su movente de s’intzendiàriu diat pòdere cunsìstere in una forma de ritorsione contra sos propietàrios de sa zona.

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.