Subra bintinoe puntos compidados, chimbe sunt resurtados cun càrrigas batèricas meda artziadas, duas cun càrrigas batèricas artziadas. E sunt mescamente sos rios a sighire a riversare in mare iscàrrigos non depurados, chi arriscant de arruinare sa calidade de su mare in cussos pretzisos tratos de costa, cun cunsighèntzias non feti pro s’ecosistema marinu ma fintzas pro sa matessi salude de sos bagnantes. Est custu su bilantzu de su traballu longu sas costas sardas de s’équipe tècnica de Goletta Verde, s’istòrica campagna de Legambiente.
“Ocannu puru in Sardigna amus cuntzentradu s’analisi in sos rios chi arribbant a mare – at decraradu Annalisa Colombu, presidente de Legambiente Sardigna –est importante individuare sas situatziones prus crìticas longu sa costa regionale e sas chi ponent a arriscu sa salude de su mare”.
“Sos resurtados – at sighidu a narrere– nche cunfirmant chi a sa raighina de su controllu de sos iscàrrighet b’ant sos cursos de abba chi partint de sas àreas internas e versant a mare. Importante signalare, infines, chi s’ispissu sas foci de sos rios rugrant fintzas sa marina, e chi andat a fàghere su bagnu no est semper consapevole de sa non balneabilità de sas foci, fintzas pro ite apamus cumproadu de sas graves carenze in sa cartellonistica informativa”.
In niunu de sos 29 puntos compidados, difatis, est istada cumproada dae sos tècnicos sa presèntzia de sa cartellonistica informativa in sas cunditziones de su mare, sos arriscos de incuinamentu, s’istadu de calidade de sas abbas, obrigatòria pro lege de annos e a bàriu de sas Comunas costeras.
