A de note is butegas de sa Marina non podent bèndere alcol Dd'at detzididu un'ordinàntzia de su sìndigu casteddaju Paolo Truzzu

Prus pagu alcol e prus seguridade in sas rugas de sa Marina. Dae su 5 de santandria nc’est un’ordinàntzia firmada dae su sìndigu Paolo Truzzu. Su Comunu de Casteddu bolet unu presidiu fissu de sa Politzia Locale in  bixinau a in antis de su portu.

Sa punna est cudda de crèschere su livellu de seguridade e megiorare su decoru in una de sas zonas de Casteddu chi, mescamente in su fine chida, ànimant sas notes tzitadinas e tando dae sas 21 de oe, martis 5 santandria e finas su 31 de su mese de ghennàrgiu 2020, at a èssere in vigore un’ordinantzia chi ponet carchi proibitzione in su tentativu de aporrire, est iscritu in nd’una nota de imprenta, unu pagu de “serenidade in totu su tzentru istòricu”.

“Amus detzìdidu de limitare – at ispiegadu su sìndigu  – non isceti sa bèndida de alcòlicos de portai a giru, comente giai prevididu, ma amus impostu una limitatzione fintzas a su consumu de custu tipu de bèvidas. Tenemus, difatis, su dovere de tutelare s’immàgine de sa tzitade fintzas a livellu internatzionale”.

“In su tzentru istòricu – at sighidu su primu tzitadinu – at a èssere vedada sa bèndida pro “asporto” de sos alcòlicos, dae sas 21 a sas 6 e in su matessi oràriu ant a dèpere restare serradas sas butegas prus piticas de 150 metros cuadros, chi in s’issoro oferta tèngiant bèvidas alcòlicas o superalcòlicas. At a èssere proibidu fintzas su consumu de custu tipu de bèvidas in logos pùblicos”. Cunsentidu, imbetzes, bufare alcòlicos a s’internu de tratorias e ristorantes. sos prus giòvanos”.

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.