Bànari est in s’istòria. In sa bidda de sa provìntzia de Tàtari est istadu realizadu “Su retratu de grupu prus mannu de su munu”, sa fotografia prus manna de una comunidade locale. Nemos aiat mai reunidu sos abitantes de una bidda pro un’iscatu: dd’at fatu su fotògrafu Marco Ceraglia. Oras Bànari aspirat a su Guinness de sos primados: sa documentatzione at a colare a su giudìtziu de sos espertos de su libru de sos rècords.
Cun “Su retratu” Bànari respùndet in manera creativa a su problema de s’ispopolamentu. Sunt istados 570 sos banaresi chi ant leadu parte a s’istòricu click. Is chi no bi fiant sunt istados cumpensados dae sos emigrados torrados pro s’istadi. Is partetzipantes sunt istados postos in sa tribuna realizada in pratza San Giacomo, 27 metros de longària pro 6 de profundidade, isvilupada in artària subra 10 gradoni. Immoe at a èssere realizada un’ installatzione de 25 metros de longària pro 10 de artària longu s’istatale 131, chi rugrat s’intrea Sardigna de nord a sud: a s’artària de su bìviu pro Bànari, at a espònnere sa gigantografia de su retratu de grupu.
