Augurios mannos a Gigi Riva: “rombo di tuono” faghet 75 annos

Gigi Riva, su giogadore de bòcia prus forte chi su Casteddu at tentu, oe faghet 75 annos. Gianni Brera, su giornalista prus famadu de s’Italia, a pustis de duos gol chi Riva aiat fatu contra a s’Inter in s’istadiu de San Siru dd’aiat donau comente annomingiu cussu de “Rombo di tuono”.

Paraulas chi narant totu, po ita Riva cando tiraiat sa bòcia ddu faiat cun nd’una fortza manna diaderus, ispantosa. E difatis segnaiat puru meda bortas: in tres campionados de Serie A est istadu primu po gol fatos. E immoi tenit galu su record de gol cun sa natzionale italiana: 35 in 42 partidas.  Cun issu su Casteddu in su 1970 at bintu s’unicu scudettu de s’istoria sua.  Po custas cosas e po s’artària comente omini, aiat refudadu su dinari de sa Juventus po abarrare in Sardigna, Gigi Riva est unu sìmbulu po totu s’Isula.

Augurios mannos Gigi, a chent’annos e prus. E gratzias po totu.

T'est pràghidu s'artìculu? Connosches bene s'argumentu e boles iscrìere carchi cosa pro megiorare s'informatzione? Iscrie·nos una lìtera a redatzione@istorias.it.