Atualidade
- Polìtica
- Tzitades e biddas
Cultura
Iscièntzia & Tecnologia
Imprentas
Cuntata∙nos

Sighi∙nos

Salude, ite ses chirchende?

Istorias

Atualidade
- Polìtica
- Tzitades e biddas
Cultura
Iscièntzia & Tecnologia
Imprentas
Cuntata∙nos

Fisietto

S’intervista

De

24/03/2018

Pro respùndere

Leave a Reply

Il tuo indirizzo email non sarà pubblicato.

Commento

Nome

Email

Sito web

Do il mio consenso affinché un cookie salvi i miei dati (nome, email, sito web) per il prossimo commento.

Δ

istorias.it

A pustis de duos annos de pandemia, su 6 e de su 7

A pustis de duos annos de pandemia, su 6 e de su 7 de argiolas sa bidda de Sèdilo at torradu a festare s’Ardia in onore de Santu Antine. Pro bìdere sa famada cursa a caddu ant acudidu sardos e istràngios meda, chi ant prenadu su santuàriu de su santu gherreri.

S'artìculu intreu ddu agatades in su giassu de Istòrias.it https://www.istorias.it/11/07/2022/7567/ardia-sedilo-2022/

#sedilo #ardia #sardia #istorias #insardu #limbasarda #sardu #ardia2022 @s_ardia

Dae sos fantinos a sos caddos, sa Sardigna est sem

Dae sos fantinos a sos caddos, sa Sardigna est semper istada protagonista a su Pàliu de Siena, sa cursa istòrica famada in totu su mundu chi esistet dae medas sèculos in sa tzitade de sa Toscana.

In s’editzione ùrtima de sa cursa, cudda de su 2 de làmpadas 2022, tra deghe caddos chi ant cùrridu, noe sunt nàschidos e pesados in s’ìsula nostra. De prus, tra sos deghe fantinos sos sardos fiant sete: Andrea Coghe ‘Tempesta‘, Antonio Mula ‘Shardana‘, Giuseppe Zedde ‘Gingillo‘, Stefano Piras ‘Scangeo‘, Carlo Sanna ‘Brigante‘, Giosuè Carboni 'Carburo' e su prus famadu de totus: Giovanni Atzeni ‘Tittìa‘. A su comintzu de su Pàliu però ant leadu parte isceti 8 fantinos proite sos caddos de duos fantinos (Brigante e Carburo) sunt abarrados fèrridos in sas cursas de proa. A pustis àteros duos fantinos ant dèpidu renuntziare a sa cursa: Scangeo e Tempesta.

At bìnchidu su pàliu Giovanni Atzeni, chi totus lamant Tittìa, cun sa Contrada de su Drago subra de su caddu Zio Frac. Como est su fantinu sardu in atividade chi, cun oto ‘carrieras’, at bintu de prus. In s’istòria de su Pàliu de Siena est paris cun Salvatore Ladu ‘Cianchino’ e a palas de Andrea Degortes ‘Aceto’ (14) nàschidu in Terranoa e Luigi Bruschelli ‘Trecciolino (13).

Nàschidu in Alemagna dae babbu sardu de Nurri e mama tedesca, Atzeni at bìvidu in Sardigna dae sos deghe a sos deghe-sete annos prus o mancu. Inoghe at imparadu a sètzere a caddu e at partetzipadu a sas primas cursas. A pustis at mòvidu in Siena in ue in pagu tempus est arrenèschidu a otènnere unu nomìngiu chi benet postu dae su capitanu de sa prima Contrada in ue unu fantinu curret. Dd’ant postu ‘Tittìa’ pro ite in sos primos annos cando cumentzaiat a traballare, a su mangianu chitzo, in s’iscuderia naraiat semper ‘Titìa, b’ at fritu’.

S’ùrtimu sardu a pigare su nomìngiu ocannu est istadu Antonio Mula (como Shardana) de Ulìana. Primu de isse in su 2019 fiat istadu Stefano Piras (Scangeo) de Elini.

#siena #sardegna #sardigna #limbasarda #insardu #istorias #tittia #paliodisiena #sardu #nurri

Calicuna chida a oe, su motore de chirca Google at

Àrbores rùidos a terra, brusiados dae su fogu ch

Àrbores rùidos a terra, brusiados dae su fogu chi in s’istiu de su 2021 at bisestradu is padentes de su Montiferru como divenint isculturas e fotografias. Faghent parte de su progetu de s’artista aristanesu Michele Ardu chi traballat tra sa Sardigna e Londra, pruschetotu cun s’arte fotogràfica, e chi a pustis de su disacatu mannu de s’annu coladu at detzisu de torrare in sa terra sua pro documentare su chi est sutzèdidu in su Montiferru.

Caminende in is padentes tristos e nieddos de sa bidda de Cùllieri, Ardu at seberadu truncos de linna piticos e ddos at torrados a faghere bìvere cun s’arte de s’iscultura: algunos sunt istados pintados cun su colore de s’oro, àteros sunt abarrados nieddos comente ddos at agatados. Dae custu traballu est nàschida sa mustra ‘Aurum urens’ chi dae oe si podet bìdere in sa tzitade de Siena (Magazzini del Sale) finas a su deghe de trìulas: in mustra nche sunt 15 fotografias e 30 isculturas.

“S’installatzione in mustra contat sa fortza de sa natura, su dramma de sa distrutzione, sa dignidade de su chertu pro sa vida e sa lughe de sa rinàschida” iscriet Ardu in sa presentada de su progetu. “Is fogos tenent efetos chi bisestrant sa vida in sa terra. Is datos narant chi isceti in su 2021, in su mundu ant brusiados prus de 2 milliones de ètaros de padentes e forestas, in prus 30 milliardos de metros cuadros de natura e vida sunt istados distrùidos dae sas framas. A s’ispissu paret chi sutzedere sena unu motivu, àteras bias pro distratzione o forsis pro sa summa de curpas diferentes”.

Su progetu Aurum Urens de Michele Ardu sutalìniat su balore de sa natura distrùida dae sas framas e su chi abarrat a pustis de su fogu. Unu traballu chi tenet s’obietivu de pensare subra de custu tema a livellu globale, sensibilitzare s’opinione pùblica e sustentare sa forestatzione.

#montiferru #cuglieri #sardegna #sardigna #aurumurens #siena #limbasarda #sardu #insardu

In Sardigna unu binu fatu cun s’àgina lassada p

In Sardigna unu binu fatu cun s’àgina lassada pasare in su mare. Est unu vermentinu diferente dae is àteros su realizadu dae s’enòlogu Andrea Pala in s’ìsula de Culuccia, in s’Arcipelagu de Sa Madalena. A pustis de un’annu dae sa binnenna, est istadu imbotilliadu su binu chi naschet dae bìngias chi s’agatant a pagos metros dae su mare.

S’abba est un’elementu de importu in sa produtzione de custu binu: is àginas difatis sunt istadas postas in mare pro pagu tempus, a pustis sunt istadas bogadas pro cumintzare unu protzessu de vinificatzione clàssicu. In Sardigna non nche sunt àteros binos fatos a custa manera e in Itàlia etotu sunt pagos is esèmpios sìmiles.

Andrea Pala, elègidu in s’austu de su 2021 comente mègius giòvanu enòlogu de Itàlia dae s’assòtziu culturale Vinoway Itàlia, at mutidu custu binu (chi est unu Vermentino Ìsula dei Nuraghi Igt) cun su nùmene de Donna Ma’. Pro como at produidu 500 ampullas.

Pala at definidu su suo comente unu progetu destinadu pruschetotu a sa chirca e comente esperimentu iscientìficu. “Finas dae s’antighidade nche sunt esèmpios de custu tipu – est iscritu in unu comunicadu – in s’ìsula grega de Chios s’àgina beniat fata abarrare in su mare”.

Unu binu ispetziale, duncas, chi naschet in un’ìsula in ue totu est ecològicu, non b’at tzimentu e plàstica, e s’energia elètrica est prodùida gràtzias a pannellos solares: unu modellu de eco-sostenibilidade. In Culuccia si produent fintzas un’àteru vermentinu, un’ispumante realizadu cun su mètodu clàssicu, melas, murtas, gin.

#istorias #sardegna #sardigna #insardu #limbasarda #culuccia #limba

In Casteddu b’at una banda musicale noa. Si muti

In Casteddu b’at una banda musicale noa. Si mutit “Free Soul Band”, est ùnica in su gènere suo: totu sos cumponentes de su grupu sunt presoneris de su càrtzere de Uda e finas a pagos meses a oe no ischiant mancu lèghere sas notas musicales. A s’agabbu de maju imbetzes sos deghe noos musicantes si sunt ammustrados cun sassòfonos, trumbas, bassu tuba, euphonium, bateria chi ant imparadu a sonare gràtzias a su progetu “Sa mùsica andat ultres”.

Si tratat de un’initziativa aviada dae su Cpia – s’iscola de su càrtzere – cun sa Banda musicale de Muristeni. Ghiados dae su mastru Alessandro Cabras, su grupu at debutadu in sa biblioteca de su càrtzere e como sa punna est cudda de fàghere unu cuntzertu a foras de sa presone. “Dae s’annu chi at a bènnere at a èssere possìbile s’iscrìere a iscola e arribbare a su diploma”, at annuntziadu Giuseppe Ennas, dirigente de su Cpia, chi at presentadu sos percursos aviados cun s’istitutu alberghieru Azuni e cun s’Ipsia Meucci de Casteddu.

“Nemos de sos pitzocos ischiat lèghere sa mùsica, nemos de issos connoschiat sos istrumentos. Amus istudiadu notas e solfègiu, in pagu tempus ant megioradu meda”, at sighidu Cabras chi at fatu sas letziones paris a sos dotzentes de mùsica Andrea Desogus e Daniele Deias.

Su cuntzertu s’est abertu cun unu branu originale de unu detenudu, pro sighire cun unu repertòriu chi andat dae Presley a Armstrong, finas a sos Ramones e a branos traditzionales. S’esibitzione s’est serrada cun ‘L’inno alla gioia’ de Beethoven. “So orgolliosu de sos progressos fatos dae sos pitzocos. Sa mùsica faghet miràculos”, at sutaliniadu su diretore Marco Porcu.

#istorias #limbasarda #sardigna #sardegna

Sa novidade de oe: a bator annos dae sa nàschida

Sa novidade de oe: a bator annos dae sa nàschida (su 14 de Argiolas 2018) arribat su giassu internet nou de Istòrias.it! 😎

#istorias #sardegna #sardigna #limbasarda #insarduestprusbellu #sardu #insardu

“Bìvere sa vida est una cosa manna a beru, b’

“Bìvere sa vida est una cosa manna a beru, b’at totu su mundu intre su barsolu e sa tumba. E immoe bive… Bessi dae domo! Rie! Respira a forte! Ses biu!”. Custas sunt sas paràulas de su cantautore romanu Alessandro Mannarino chi ant a fàghere de ghia de s’editzione nùmeru 12 de su Fèstival della Fotografia in Sardegna, prevìdidu pro su beranu 2022.

Sighit in www.istorias.it

#istorias #sardegna #sardigna #insardu #limbasarda #sardu #insarduestprusbellu #mogoro #móguru

Www.istorias.it #istorias #sardegna #sardigna #in

Www.istorias.it

#istorias #sardegna #sardigna #insardu #limbasarda#sardu

🔴🎥📸 Pro unu progetu de film documentàriu

🔴🎥📸
Pro unu progetu de film documentàriu de su regista Enrico Pau, chi pertocat sos fogos de su 2021 in su #Montiferru, s'assòtziu culturale Arvéschida est chirchende vìdeos e fotografias fatas in cuddas dies terrorosas.

➡ Podet èssere ùtile cale si siat testimonia direta, mescamente videos realizados cun sos telefoneddos e messàgios vocales imbiados a amigos e parentes, fintzas in limba sarda

☎ Cuntatos de s'assòtziu
Mail: associazione.arveschida@gmail.com
Instagram: @associazione.arveschida
Facebook Messenger: m.me/AssociazioneArveschida

#cuglieri #santulussurgiu

Sìghi·nos in Instagram

De lèghere

Istòrias est una revista de informatzione in linia in limba sarda a règula cun s'istandard de sa Regione Sardigna. Est unu produtu de s'Asòtziu culturale Arvéschida.

|Gerèntzia | Pro ite custa revista | Riservadesa | Cookies | Archìviu |

Copyright © 2022 |Registratzione in su Tribunale de Casteddu n°5 de su 14 de su mese de Trìulas 2018