Bortada dae sa Corte de Apellu de Roma pro su chi pertocat sa briga tra sa Regione Sardigna e sa sotziedade Coimpresa de Gualtiero Cualbu ca tenìat su permisu, gratzias de un’acòrdiu de su 2001, pro costruire in s’area de Tuvixeddu in Casteddu.
Oe is magistratos ànt detzididu ca su stop a sos traballos, detzididu in su 2006 dae sa Giunta regionale ghiàda dae Renato Soru gràtzias a su Ppr (pianu paesagisticu regionale), fiat legìtimu. Sa nova arribat a pustis de su recursu presentadu in su 2013 dae sa Regione contra a su “lodo arbitrale” ca in antis aìat naradu ca sa Regione depìat donare 77 milliones de èuros a Coimpresa comente rifata.
Duncas cun sa sentèntzia de oe sa curpa de sa Regione est istada reduida de meda. Difatis a sa sotziedade Coimpresa depit donare isceti 1,2 milliones de èuros. In fines peroe s’ùrtima paràula in custa briga dd’at a tennere sa Cassatzione.
