Filippo Tortu adobbat su rècord italianu de Pietro Mennea. Su sprinter italianu, de orìgine sarda, at cùrridu sos 100 metros in 9.99 (bentu +0.2) a su meeting de Madrid, superende aici su primadu natzionale chi resistiat de belle 39 annos, 10.01 a Tzitades de su Messico su 4 cabudanni 1979. Su curridore de sas Framas Grogas, lòmpidu segundu a su traguardu, divenit su primu italianu de s’istòria a suta de sos 10 segundos, cun su segundu locu in sa gara binta dae su tzinesu Susu Bingtian in 9.91.
https://www.facebook.com/fidal.it/videos/1973321646026047/
“So cuntentu a beru, est belle indescrivìbile sa ditza. Ischia de ddu pòdere fàghere, ma pro mei su rècord de Mennea est semper abarradu unu bisu de cando fia pipiu e como so a beru cuntentu. Depo ringratziare totus sos chi sunt bènnidos inoghe. S’obietivu de s’istajone abarrant sos Europeos, como non penso a su tempus chi apo fatu e mi cuntzentro subra Berlinu”.
Foto dae su giassu de sa Fidal
