Est acurtziandusì sa fine de s’annu e giai nche sunt sos primos nùmenes pro faghere festa pro saludare su 2019 e acollire su 2020. Sa novas pertocant sa tzitades de Terranoa e Casteddu. In sa prima, su 31 de su mese de nadale s’at à tènnere unu cunsertu mannu in paris cun Elisa: s’artista friulana torrat a pustis de deighichimbe ànnos. “Amus detzididu de sìghire cun su format de sos annos colados – narat su sìndigu Settimo Nizzi – duncas in paris cun artistas famados”.
In Casteddu imbetzes, annotamala su cambio de Giunta, sìghit sa traditzione cun nd’una festa in is pratzas de su tzentru. In su cabulogu s’ospite custa borta est Vinicio Capossela chi at a cantare in s’arburada de Carlo Felice (pratza Yenne) mentres sos àteros cunsertos s’ant a èssere in su Bastione de Santa Croce e in Biddanoa in sa pratza de San Giacomo.
