Sa sentèntzia de sa Corte Costitutzionale at serradu de su totu su capìtulu de sa possìbile decadèntzia de Alessandra Todde, torrende istabilidade polìtica a sa Regione. A pustis de meses de pagu seguresa, sa presidenta at naradu chi sa detzisione de sa Consulta at donadu unu càbudu a unu perìodu de precariedade e promitet «un’atzione de guvernu prus manna e cuncreta pro cambiare sa Sardigna».
Pro s’ora no est prevìdidu perunu rimpastu de giunta: is tempos de sa verìfica interna transit a su 2026, a pustis de s’aprovatzione de sa Finantziària regionale, acanta sa Giunta at a cuntzentrare s’impinnu suo. «Est a dd’aprovare intro ocannu – at ispiegadu Todde in sa cunferèntzia de imprenta – ca unu de is problemas prus malos est sa priesa de s’ispesa e sa dificultade de is entes locales in su de gestire is fundos».
Su primu pensamentu est sena duda pro sa sanidade, setore in ue pro sa guvernadora est pretzisu a intervènnere deretu. Mancari is pressiones internas, Todde at cunfirmadu sa fidùtzia a s’assessore Bartolazzi, ma pedit fintzas una reorganizatzione funguda: «Tocat a pònnere paghe in su sistema sanitàriu e dare modu a chie ischit traballare de ddu fàghere bene, sena apretos continos».
Unu primu passu in custa diretzione est lòmpidu cun s’Acòrdiu integrativu regionale nou pro sa meighina territoriale, firmadu cun sos assòtzios de is mèdicos e aprovadu dae sa Giunta: unu pianu chi introduit is agregatziones funtzionales territoriales, istruturas pensadas pro garantire assistèntzia dae is 8 a is 20 e una rete prus forte intre is mèigos de base.
Pro su chi pertocat s’assessoradu a su traballu e a sa massaria, puntat a dare continuidade a is programas giai aviados e cunfirmat fintzas a Desiré Manca, chi at a abbarrare a sa ghia de s’assessoradu de su Traballu: «est interpretende su ruolu suo cun impinnuu e coerèntzia».’iscòstiat fintzas subra de laurera e traballu, ue sa presidentas.
Attività realizzata col contributo della Regione Sardegna – IMPRENTAS 2024-2025. LR 22/2018. Atividade realizada cun su contributu de sa Regione Sardigna – IMPRENTAS 2024-2025 LR 22/2018
