Chie sunt is ‘Me contro Te’, est a nàrrere Luì e Sofì: is duos youtuber e influencer faghent ammachiare pipios e pitzocheddos e balàngiant unu muntone de dinare. Dae YouTube a Sanremo 2020: totu su chi depes ischire de is duos personàgios prus istimados de sa retza.
Luì e Sofì, in s’anàgrafe Luigi Calagna e Sofia Scalia, sunt una còpia de sitzilianos chi ant abertu unu canale Youtube chi in pagu tempus at fatu sa fortuna issoro. Su primu vìdeu cosa issoro, a tìtulu “Il primo video di Luì e Sofì”, dd’ant pubblicadu in su 2014, e dae tando nd’ant fatu de caminu, lòmpende finas a su tzìnema e binchende fintzas su film de Checco Zalone.
S’atopu issoro no est solu frutu de sa passione pro YouTube, ma fintzas un’istòria de amore: Luì e Sofì difatis istant paris peri in sa vida, e ant ispiradu cun s’unione e sa cumplitzidade issoro, medas adolescentes e pipios prontos a ddos sighire siat in sa retza, siat in is ispetàculos in biu.
Luigi Calagna est nàschidu su 6 de mese de idas de su 1992 in Palermo, Sofia Scalia, semper de Palermu, prus pitica de una pariga de annos, est nàschida su 14 ghennàrgiu de su 1997. Is duos pitzocos ant incumentzadu a fàghere vìdeos in YouTube unu pagu pro cumbinatzione, printzipiende cun unu filmadu dedicadu a sa gasi narada Maze Runner Challenge, e dae tando non si sunt prus firmados trasformende sa passione issoro in unu traballu (comente medas àteros collegas de sa matessi generatzione).
Gràtzias a unu linguàgiu adatu a pitzocheddos tra 5 e 10 annos, Luì e Sofì, chessint a istentare ogna die unu pùbblicu mannu de minores pro mèdiu de unu canale chi òfrit cuntenutos de vàriu gènere. Si colat difatis dae is disafios ispassiosos a is cantzones, dae is istròtzios e parodias a is vìdeos ispetziales cun esperimentos semper noos e alligros.
Mancari giòvanos, is duos sitzilianos sunt istados capassos de conchistare una fàscia de pùblicu òrfana de programmas comente Bim Bum Bam o L’Albero Azzurro: su canale issoro de YouTube est unu cuntenidore seguru pro su pùblicu de minores. Oferende vìdeos e filmados professionales ant ischidu atzapare sa curiosidade e s’atentzione de is prus piticos, otenende peri su reconnoschimentu de su Moige, su Movimentu italianu de is Genitores.
Is Me contro Te non sunt duos intratenidores professionistas ebbia, ma fintzas duos de is youtuber chi ant tentu prus sutzessu in is ùrtimos annos, chi ddos at portados a fàghere peri unu film campione de incassos (8.440.767 de èuros dae su cumentzu de ghennàrgiu a oe), chi at superadu fintzas a Checco Zalone.
Gràtzias a su talentu issoro, in su 2018 ebbia ant balangiadu su bellu de tres milliones de èuros, pro unu balàngiu netu de 1,7 milliones, chi ant fatu aumentare is balàngios de is annos pretzedentes (in su 2017 512 mìgia èuros).
Is datos sunt istados boddidos dae sa Me contro Te Srl, sotziedade chi tenet comente amministradores pròpiu sos duos giòvanos e cun sa cale faturant e gestint sos balàngios de s’atividade issoro chi est creschende fintzas gràtzias a su situ ìnternet e a sa butega eletrònica ufitziale in ue bendent is produtos cun su màrchiu “Me contro Te”. Frutuosas meda sunt peri is bèndidas in is edìcolas e in cartolerias. A totu custu si diat dèpere agiùnghere su cumpensu chi ant retzire pro sa dàbile presèntzia issoro in su Festival de Sanremo de ocannu acanta, segundu unos cantos lecutos, ddos diant a àere preferidos a su sìtiu de su cantante Salmo.
