Su fèstival internatzionale de mùsica antiga presentat un’òpera istraordinària de is Solistas de s’Orchestra baroca sitziliana. A pustis de abertura ispantosa cun “La Calandria” a Santu Pedru in Silki su 26 martzu, su fèstival internatzionale de mùsica antiga “Note senza tempo” torrat su 6 de abrile a sas 16, custa borta in sa Sala Sassu de su Cunservatòriu de Tàtari, cun un’eventu chi non faghet a pèrdere: “LOrfeo britannico” de sos Solistas de s’Orchestra baroca sitziliana.
“Orpheus Britannicus, in the Stars with Diamonds” est su tìtulu de s’òpera chi at a bìdere Raffaele Schiavo in su ruolu de “cantatore”, acostagiadu dae Piero Cartosio, autore de su sugetu, impinnadu a su flàutu durche e in sa diretzione. Ant a èssere acumpangiados dae sa violinista de talentu argentina Andrea Beatriz Lizarraga e dae su clavitzembalista virtuosu Luca Ambrosio.
Acumpangiada dae sos virtuosismos de s’OBS, s’atzione iscènica ammajadora de Schiavo at a chircare de torrare a allùere in su pùblicu cuntemporàneu sas passiones musicales e umanas de sa Londra de tres sèculos e mesu a oe. Su programma at a inclùdere petzos de Henry Purcell, Matthew Locke, John Blow e Nicola Matteis, oferende un’ispetàculu prenu de suspence e essias improvisas.
Raffaele Schiavo, cantante, mùsicu, cumposidore e musicoterapèuta, e Piero Cartosio, flauteri e diretore artìsticu de s’Orchestra baroca sitziliana, ant a pònnere in mustra su talentu issoro in custa prova istraordinària.
Su fèstival “Note senza tempo“, dirìgidu dae Daniele Cernuto, est organizadu dae s’assòtziu “Dolci accenti” cun su contributu de sa Regione Autònoma de sa Sardigna, de sa Fundatzione de Sardigna e de sos comunos de Tàtari, Uri, Piaghe, Portu Turre, Sènnaru e Bultzi, e faghet parte de su cartellone de “Salude & Trigu” de sa Càmera de Commèrtziu de su Nord Sardigna. Pro nde ischire de prus de su programma, faghet a bisitare su giassu ìnternet www.notesenzatempo.it.
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
