B’at timorìa manna in Sardigna pro su tempus lègiu. Dae duos dias s’isula est iscùdida dae bentu e abba a istèrgios. Sa Protetzione Tzivile at divulgadu un’allerta pro arriscu idrogeologicu in sa die de oe ma su tempus malu at a sighire in tota sa chida.
Situatzione perigulosa in sos sartos de Alguer in nue s’abba est bessida dae su letu de sos errios. Est acontessidu serente Sant’Anna. B’at istados problemas puru in s’istrada tra Monti Ricciu e Monti Agnese. In su sartu de Aristanis una pariga de azienda agricolas sunt abarradas sena ligàmenes pro mori de sa temporada. In Terralba su sìndigu, comente iscriet s’Ansa, at ordinadu sa serrada de is iscolas mentras in Casteddu su sìndigu Massimo Zedda at serradu sos parcos de sa tzitade, su campusantu de Bonaria, su casteddu de San Michele e sa Galleria comunale.
