Custu agabbu de chida in sa tzitade deLanusè est in programma unu de is addòbios prus importantes de s’atongile ogiastinu, sa sagra de Castàngias e Binu Nou, lòmpida a sa de deghe editziones: tres dies dedicadas a sos sabores, a sas traditziones e a sa cultura locale. Un’ocasione pro tzitadinos e visitadores de s’imbèrghere in s’atmosfera caente de sa festa, tra cosa de papare, ispetàculos e ispàssiu pro totus.
S’eventu, ammaniadu dae su tzentru cumetziale naturale “Le Falere” cun s’agiudu de s’Unione de sos comunos de s’Ogiastra, Regione Sardigna, de su Comunu de sa Pro Loco de Lanusè, at a cumentzare chenàbura s’8 de santandria a ora de is 19.00, in su Teatru Tonio Dei cun unu cunvegnu de s’Agentzia Laore dedicadu a unu tema atuale meda: “Sa Castàngia e sos cambiamentos climàticos”. A sighire, a sas oras 20.30, unu percursu momentu gastronòmicu pro tastare sos màndigos cun castàngia acumpangiados dae sos binos mègius de sa cantina Luceri de Loceri e de su de Tertenia.
Sàbadu su 9 de santandria, dae sas 18.00, sos caminos su tzentru, abivados dae sonadores e cantadores, s’ant a prenare de paradas de artisanos, cosas de papare e prus che totu de bendidores de castàngia. In prus, est in programma sa presentada de su libru “MOMMOTTI” de Luca Spissu e de Mauro Fais.
S’ùrtima die de sagra, domìnigu su 10 de santandria, sa festa contina cun ispetàculos in caminu, una mustra de armaduras nuràgicas, sa gara de su làntzidu de s’eritzu e s’essida de su grupu folclorìsticu “Lanusei cultura e folklore”, pro concruire unu fine chida prenu de eventos e de traditziones locales.
Inoghe a suta su programma cumpletu
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
