Un’eventu pro promòvere sa riflessione e s’impinnu in sa luta contra sa violèntzia a is fèminas.
“Se dico no è no: un anno di albe e tramonti contro la violenza di genere”, est custu su tìtulu de s’addòbiu de istasero, a ora de is 20:30, in s’Auditòrium de su Cunservatòriu de Casteddu. Dae un’idea de Maria Francesca Chiappe, Ambra Pintore, Claudia Rabellino, intrada a indonu finas a s’agabbu de is postos.
Custu sero in Casteddu est in programma un’ispetàculu ùnicu e interessante meda dedicadu a sa luta contra sa violèntzia de gènere. In s’Auditòrium de su Cunservatòriu Pierluigi da Palestrina in bia de Bacaredda, s’at a pònnere in iscena “Se dico no è no”, un’eventu pensadu dae Maria Francesca Chiappe, Ambra Pintore e Claudia Rabellino.
S’ispetàculu no at a èssere una rapresentatzione teatrale ebbia, ma fintzas un’amisturu de mùsica, teatru, leturas e tzantzarradas, cun sa punna de inghitzare una riflessione subra su tema de sa violèntzia de gènere e sensibilizare su pùblicu subra s’importu de su respetu retzìprocu.
In sa serada ant a èssere remonados fatos significativos de s’ùrtimu annu, chi ant postu a notu s’insistèntzia de cumportamentos violentos e discriminatòrios a dannu de is fèminas. “Se dico no è no” bolet èssere un’eventu dedicadu a is òmines e a is fèminas, pro chi si rispetent parebare.
S’eventu at a èssere arrichidu dae sa presèntzia de invitados ispetziales che a Maria Francesca Chiappe, Lucido Sottile, Silvana Maniscalco (fundadora de Donna Ceteris), Massimiliano Medda, su Quarteto de Ambra Pintore cun Roberto Scala, Federico Valenti e Diego Milia, Virginia Pishbin (presidente de s’Assòtziu Giòvanos Iranianos residentes in Itàlia), Claudia Rabellino e is Artistas de su Cunservatòriu.
S’intrada est a indonu finas a s’esaurimentu de is postos a disponimentu. S’ispetàculu, organizadu dae s’Assòtziu Culturale Istranzos de domo, est patrotzinadu dae su Comunu de Casteddu, su Cunservatòriu Mùsica de Casteddu, sa Regione Autònoma de sa Sardigna, e sustentadu dae CFadda, Sosor, Caffè Divino, Special Car.
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
