Isceti sos piscadores professionistas ant a pòdere prelevare sos eritzos de mare. Dd’at detzìdidu s’assessora regionale de s’Agricultura, Gabriella Murgia, cun unu decretu chi previdet “una proibitzione cumpleta pro sos piscadores isportivos e ricreativos”.
“Est unu detzisu – ispiegat – pro tutelare sos titulares de lissèntzia e pro cunsentire de vigilare megius. Amus tentu contu de sa tribulia de su produtu in medas àreas de su mare nostru”. E est pro custu chi s’Assessoradu, sutalìniat Gabriella Murgia, “est ocupendesì de meses de sa chistione, puntende a unu programma de ripopolamentu de sas risursas marinas, dae s’eritzu a s’aragosta e a unas àteras genias”.
Cuddu de sos eritzos de mare est un’apretu de sos ùrtimos ànnos. Sa resursa non b’at prus comente prima in su mare pro resones diferentes po mori de sa pisca e sa bendida contra a sa lege e de su numeru mannu de is piscadores autorizados.
