Su 22 de freàrgiu 2025, a Gàiru torrat su “Su Marti Perra”, una festa chi aunit traditzione, folclore e gastronomia, torrende a donare vida a unu de sos momentos prus autènticos de sa cultura sarda: su carrasegare.
A su tzentru de sa manifestatzione ddoe est sa rievocatzione de Su Maimulu, unu ritu simbòlicu chi rapresentat sa luta intre fortzas contrària: a una banda is Maimulus e a s’àtera s’Urtzu Ballabeni, personificatzione de sa natura agreste e de su passàgiu de istajone dae s’ierru a su beranu. Custu ritu pre-cristianu, est parte de su patrimòniu mannu de iss carrasegares de sa Barbàgia e de s’Ogiastra.
Ognunu de is carotes de su Maimulu tenent unu significu fungudu: Su Cuadderi, est su chi aberit su cun una conca de caddu in sa punta de unu bàculu; Is Poddinaius, chi impriastant is màscheras de pòddini comente sinnu de bundàntzia; Sa Filongiana, sìmbulu de sa fragilidade de sa vida, chi filat sa lana in su fusu; S’Ingrastula, fèmina majargia, Sa Martinica, su personàgiu prus giogulanu e isdarrespetadu.
Sa manifestatzione at a cumentzare su 22 de freàrgiu a merie, cando sas màscheras traditzionales cumintzant a essire in is caminos de sa bidda. A ora de is 15:30 movet su corteu, ghiadu dae is Maimulus, chi tirant unu carru cun unu mustajoni, Santu Nanì, chi regollet totu is ofertas chi sa gente lassat picadas in is corridòrios e in is ventanas
Paris cun is carotes gairesos, partètzipant fintzas grupos in caratzas de àteras biddas de Sardigna: Scalepranu cun sos Boes Fui Janna Mortos; Samugheu cun is Mamutzones; Seui cun S’Urtzu e sa Mamulada; Thiniscole cun Sos Tintinnatos; Teti cun Su Sennoreddu e Sos de S’Iscusorzu; Lodine cun sas caratzas de Su Harrasehare Lodinesu; Onieri cun SA Vargia; Ortueri cun Is Sonaggiaos e S’Urtzu; Gavoi cun Sos Tumbarinos; Sìnnai cun Is Cerbus; Ardaule cun S’Intibidu; Ula Tirsu cun S’Urtzu e Sos Bardianos.
Comente a s’annu coladu, ddoe ant a èssere duos presentadores de cabbale a presentare is màscheras a su pùblicu presente: Lucia Cossu e a su cantadore Bruno Agus, mentras su grupu Abacada s’at a ocupare de s’acumpagnamentu musicale.
Dae is 18:00 in susu, is màscheras lassant su logu a is sabores traditzionales cun sìpula e binu pro totus, cun s’aberidura de is paradas gastronòmicas in ue at a èssere possìbile tastare is licònias locales. Sa serada sighit cun mùsica e ballos, e cun s’ispetàculu de su grupu “A ballare”, de E. Bazzoni, R. Fadda e M. Pitzalis.
Pro nde ischire de prus compudade sa pàgina Facebook @SuMaimulu.
Attività realizzata col contributo della Regione Sardegna – IMPRENTAS 2024-2025. LR 22/2018. Atividade realizada cun su contributu de sa Regione Sardigna – IMPRENTAS 2024-2025 LR 22/2018
