Custu imbentu at at a permìtere de rivolutzionare sos protzessos tecnològicos de sos setores chìmicu e farmatzèuticu, cun cunseguèntzia de importu in su setore alimentare e de sa ristoratzione.
S’Universidade de sos Istùdios de Tàtari est lòmpida a unu traguardu de importu mannu in sas tecnologias alimentares otenende unu brevete natzionale e internatzionale pro imbentu industriale. Su resurtadu est istadu cunsighidu in intro de su progetu IDOLI (Innovation in Dairy and Olive Industry), in collaboratzione cun s’azienda cabufila Accademia Olearia. Custu progetu, parte de su programa de chirca e isvilupu de sa Regione Sardigna, s’insertat in s’àrea de ispetzializatzione de s’agroindùstria e est finantziadu dae su POR FESR Sardegna 2014-2020.
S’iscuadra de chircadores, cumposta dae sa Dr.a Maria Grazia Farbo PhD, Dr.a Elisabetta Avitabile PhD e Dr. Roberto Cabizza PhD RTD/A, suta de sa ghia de su Professore Costantino Fadda de sa setzione de Tecnologias Alimentares de su Dipartimentu de Agrària, at isvilupadu unu mètodu innovativu pro sa creatzione de un’isfera edìbile (chi si podet papare) chi cuntenet una màdrighe lìcuida. Sos esperimentos sunt istados fatos in sos laboratòrios de sa setzione de Tecnologias Alimentares de su Dipartimentu de Agrària, giughende a sa realizatzione de una màdrighe isfèrica edibile capatza de cuntènnere màdrighes lìcuidas idrofòbicas o idroalcòlicas cun caraterìsticas chìmicu-fìsicas avantzadas.
Custu imbentu aberit a un’acostamentu rivolutzionàriu in sos protzessos tecnològicos, permitende sa creatzione de sistemas de cuntenimentu, arrimu, trasportu e cunservatzione de su totu edìbiles, dunca commestìbiles, non deperìbiles in su tempus e capatzos de cuntènnere màdrighes lìcuidas idròfilas e idrofòbicas. Su mètodu nou rispondet a sos bisòngios tècnicos de produtzione e in prus oferit donat solutziones innovativas pro su mercadu alimentare, cunsentende de arrimare, cunservare e amparare diversas màdrighes lìcuidas sena alterare sas caraterìsticas issoro.
Como in su mercadu no esistent sistemas de isferificatzione “Made in Italy” orgànicos ebbia e rispetosos de s’ambiente, apassas de cuntènnere ògiu extravìrgine de olia e bèvidas alcòlicas in forma lìcuida. Custa innovatzione de protzessu at a pòdere èssere impreada in sos setores alimentare, chìmicu e farmatzèuticu, satisfaghende sas chi rechertas de produtos biocompatìbiles e seguros pro sos consumadores e s’ambiente.
Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018
