At a èssiri ocannu puru sa domu campidanesa stòrica Villa de Villa a acolliri, de su 16 a su 18 de trìulas, sa de XI editzioni de Street Books, su Festival literàriu chi de ùndixi annus portat librus, ideas e atòbius in Patiòlla.
Su tema scioberau po su 2026 est “Il mio bambino difficile” e pigat ispiratzioni de su libru cun su matessi nòmini de s’iscentziau Albert Hofmann, chi contat s’iscoberta (fata isballiendi) de s’Lsd e su raportu cumplicau cun cussa chi definiat sa “creatura difficile” sua.
De innoi nascit una riflessioni potenti e de atualidadi manna a pitzu de su valori de s’imprevistu, de s’errori comenti ocasioni de iscoberta e de sa possibildiadi de mudai manera de biri is cosas.
Sa cundutzioni est de Giobbe Covatta. In paris a su còmicu, atori e scritori, ma puru ativista, nci at a èssiri Valeria Pusceddu, stand-up comedian sarda.
Intre de is ospitis ddoe funt Arturo Brachetti, Giuseppe Bertuccio (Progetto Happiness), Luca Pappagallo, Francesca Chia, Fabrizio Beverina, Barbara Pitzianti, Moses Concas, Luca Gonzatto, Alessandra Cossu, Fabrizio Pinna, Claudio Marinaccio, Pink Flamingos Bike, Cagliari Respira, Giulia Romeri, Enrico Trevisiol.
Atividade realizada cun su contributu de sa Regione Sardigna – IMPRENTAS 2025-2026. LR 22/2018, art 22. Attività realizzata col contributo della Regione Sardegna – IMPRENTAS 2025-2026. LR 22/2018, art. 22
