In Casteddu sa projetzione sonorizada de “La fanciulla del West”

Un’eventu de non pèrdere pro sa de VIII editziones de “Storie di volti e silenzi. La magia del cinema muto”.

Sàbadu su 12 de santugaine, a ora de sas 19, su Teatru Adriano de bia de Sassari, acasàgiat un’eventu istraordinàriu dedicadu a sos amantiosos de su tzìnema mudu. In intro de sa rassigna “Storie di volti e silenzi. La magia del cinema muto”, organizada dae La Macchina Cinema, at a èssere projetadu su longumetràgiu “La fanciulla del West” (1915) de Cecil B. DeMille, cun una sonorizatzione in biu chi promitet de arrichire s’esperièntzia tzinematogràfica.

Sa colunna sonora originale at a èssere esecutada dae sa pianista Silvia Belfiore, dotzente in su cunservatòriu de Casteddu, paris cun su sassofonista e flauteri Andrea Morelli, dotzente de s’Iscola tzìvica de mùsica de Ceraxus. Sa performance in biu cheret torrare a creare s’atmosfera màgica de sos albores de su tzìnema, cando s’orchestra fiat parte integrante de sas projetziones.

A pustis de sos saludos de sa diretora artìstica Patrizia Masala, s’introduida a su film at a èssere contivigiada dae Alessandro Macis. “La fanciulla del West” si basat subra su testu teatrale omònimu  de David Belasco, chi aiat ispiradu fintzas s’òpera de Giacomo Puccini, presentada in New York in su 1910.

Sa rassigna, dae su 10 cabudanni e a su 5 de santandria, previdet sa projetzione de sèighi pellìculas istòricas, realizados intre su 1903 e su 1926. Gràtzias a su contributu de sa Regione Sardigna, s’initziativa punnat a interessare su pùblicu in un’importante agregatzione culturale e a sensibilizare sos ispetadores subra su balore de su tzìnema mudu, promovende s’anàlisi de sas diversos cumponentes estèticos, culturales e sotziales de sas òperas.

A pustis de custu eventu ispetziale, sa rassigna at a sighire cun àteros bator addòbios: “Salomy Jane” (15 santugaine), “Mandrap” (22 santugaine), “Womanhandled”, “Bronco Billy and the schoolmistress”, “The better man” (29 santugaine) e “The lady of the dugout”, “The great train robbery – La grande rapina al treno” (5 santandria). S’intrada est lìbera pro totu sa manifestatzione.

Advertisement. Scroll to continue reading.

Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018