Imparai a iscriri in sardu atraessu de su stùdiu fungudu de una de is figuras prus mannas de sa stòria de su Nugoresu e de totu sa Sardigna: cudda de Giorgio Asproni. Est custu su coru de su cursu de Livellu A2 (binti oras) chi s’Istitutu Camillo Bellieni de Tàtari est apariciendi a s’Isola del MAN in Nùgoro (Corso Garibaldi), po chinisisiat pensat de tenni unu pagu de cumpetèntzia de sa lìngua sarda fueddada e bolit imparai is primas arrègulas fundamentalis de s’ortografia. S’intrada est lìbera e a indonu.
Is letzionis, ghiadas de sa dotzenti Immacolata Salis, s’ant a tenni dònnia martis de is 16:00 a is 19:00, e funt pensadas po apariciai unu cunvènniu asuba de custu argumentu chi s’at a fai a s’inghitzu de s’istadi. Ddoe ant postus lìberus e chini est interessau est cumbidau a mandai is dimandas de iscritzioni.
S’initziativa est promòvia de s’Istitutu Bellieni in collaboratzioni cun sa Provìntzia de Nùgoro e su Museu MAN (Museu de Arti Provìntzia de Nùgoro), e fait parti de su Programma Is.Be 2026.
Su tema centrali est “Jorgi Asproni: s’òmini e su polìticu atraessu de su Diàriu polìticu”. Intre de is argumentus trataus, s’at a fai atentu meda a: sa lìngua sarda in su scritu e in is fueddus, arrègulas ortogràficas e struturas morfo-sintàticas.
Po su chi pertocat sa Gramàtica, s’ant a analizai “is tempus verbalis de su modu Indicativu e de su cunditzionali”. E puru “artìculus, agetivus, su plurali de is nòminis, avèrbius, significau denotativu e connotativu de is fueddus. Esercìtzius de aplicatzioni e cumpositzionis scritas sighendi sa cunsigna donada. Ditau de testus scioberaus de sa dotzenti”.
Po àtras informatzionis e iscritzionis tocat a mandai un’e-mail a istitutobellieni@gmail.com o tzerriai a su nùmeru 079/230268 su lunis, su mèrcuris e sa cenàbura de is 10:00 a is 13:00.
