Chenàbura su 29 austu 2025, dae is 6 e mesu de merie, finas a note manna, su santuàriu nuràgicu de S’Arcu ‘e is Forros de Biddamanna Strisàili at a acasagiare “Mirabilia – Isole, archeologia e cinema tra le sponde”, un’eventu ispetziale dedicadu a s’archeologia de sa Sardigna e de su Mediterràneu. Sa serada, chi faghet parte de is ses editziones de su Sardinia Archeo Festival, est organizada dae Archeonova paris cun s’Assòtziu Culturale Itzokor de Casteddu e su Fèstival de sa Comunicatzione e de su Tzìnema Archeològicu de Licodia Eubea.
S’eventu cumentzat a is 18.30 cun una bìsita ghiada in su giassu nuràgicu, momentu de aprofundimentu istòricu e cunfrontu culturale. In s’iscurinadòrgiu at a sighire un’aperitivu cun produtos tìpicos de su logu, in s’ora chi su sole nche at a isghelare a palas de is puntas de su Gennargentu. Sa serada at a sighire a is 21.00 cun s’introduida de s’Assòtziu Itzokor e Archeonova, sighida dae sa projetzione de tres curtzumetràgios seletzionados, in presèntzia de is registas issoro:
Approdi (Italia, 2024, 45 minuti), regia de Lorenzo Scaraggi, produztione Omero su Marte;
Sui tetti di chi dorme (Italia-Sardegna, 2024, 15 minuti), regia de Antonello Murgia Pisano, produtzione Teatro Dallarmadio;
Villa Rosa (Italia, 2023, 11 minuti), regia e produtzione de Alessandro Tricarico.
S’intrada si pagat 15 èuros, cun prenotatzione obbrigatòria pro s’organizatzione de s’aperitivu. Pro informatziones e pro prenotare tocat a mutire a Archeonova (378.3027077) o a Itzokor (328.0570071).
Is organizadores cunsìgiant bestires còmodos e caentes pro gosare sa serada istiale a s’abertu.
Attività realizzata col contributo della Regione Sardegna – IMPRENTAS 2024-2025. LR 22/2018. Atividade realizada cun su contributu de sa Regione Sardigna – IMPRENTAS 2024-2025 LR 22/2018
