Sighi∙nos

Salude, ite ses chirchende?

Isport

Casteddu birgongiosu in Genova: sa Sampdoria dilagat 4 a 1. Aici arriscat sa B S'iscuadra del Lopez arriscat de acabare in Serie B posca s'ùrtima partida pèrdida. E domìniga nd'arribat sa Roma

Immoe est lègia. Su Casteddu posca sa partida pèrdida domìniga contra a sa Sampdoria bìdet sa Serie B. Sa clasifica faghet tìmere, cun su Benevento giai caladu e su Verona ca est acanta, sunt chimbe is iscuadras ca giogant pro si salvare: Udinese e Crotone tenent 34 puntos, su Casteddu 33, sa Spal 32 e su Chievo 31 puntos. Sa situatzione de s’iscuadra sarda no est sa peus ma su chi preocupat de prus est su cumportamentu de is ùrtimas partidas. Un’iscuadra pàrrida sena gana de bìnchere, sena “garra” comente narant is espertos. Totu un’àtera cosa respetu de su Crotone ca domìniga at asfaltadu bator a unu su Sassuolo.

E oe paret ca sa panchina de Lopez est arriscu diaderus. Sa sotziedade difatis est pensande de mudare allenadore: in pole position b’at Beretta ca immoe allenat sos pitzocheddos de su Casteddu ma una tentada diat a èssere fata puru cun Prandelli e Reja. Abetande una detzisione s’iscuadra depet aprontare s’isfida contra a sa Roma. Adòbiu domìniga a de note in sa Sardegna Arena.

Foto: giassu de su Cagliari Calcio

De lèghere

Foto de sa chida

Allenamentu in su campu de su bixinau de Mulinu Becciu oe a mangianu pro sa Sampdoria. S’iscuadra allenada dae mister Giampaolo a de note...

Isport

Est istadu ufitzializadu su calendàriu de su campionadu de Sèrie A 2018-19. Su Casteddu at a debutare in su torneu in su campu de s’Empoli....

Foto de sa chida

Si no est unu miràculu pagu nche fartat. Su Casteddu abarrat in sa serie A. Contra a sas previsiones, s’iscuadra sarda at bìnchidu contra...

Istòrias est una revista de informatzione in linia in limba sarda a règula cun s'istandard de sa Regione Sardigna. Est unu produtu de s'Asòtziu culturale Arvéschida.


|Gerèntzia | Pro ite custa revista | Riservadesa | Archìviu |


Copyright © 2022 |Registratzione in su Tribunale de Casteddu n°5 de su 14 de su mese de Trìulas 2018