Est istadu ufitzializadu su calendàriu de su campionadu de Sèrie A 2018-19. Su Casteddu at a debutare in su torneu in su campu de s’Empoli.
Prima partida in domo a sa segunda die contra a su Sassuolo. Posca trasferta in Bergamo in su terrinu de s’Atalanta, mentras a sa de bator at a arribbare a sa Sardigna Arena su Milan.
Noa trasferta in ocasione de su de chimbe turnos, in Parma; pro sa de ses dies, turnu a mesu chida, partida in domo cun sa Sampdoria.
A sa de sete dies Casteddu de iscena a Milanu contra a s’Inter. A sa de oto dies partida in domo contra a su Bologna; a pustis de su stop pro sa Natzionale, trasferta in Firenze.
Pro su de deghe turnos su Casteddu at a retzire sa bìsita de su Chievo. Duas trasfertas consecutivas pro sa de ùndighi e sa de dòighi dies, in Torinu contra a sa Juventus e in Ferrara contra sa Spal.
Si torrat a sa Sardigna Arena pro sa de trèighi dies, cando at a arribbare su Torinu. Sete dies a pustis de trasferta, in Frosinone; a sighire, duos turnos in domo, contra Roma e Napoli.
Pro sa de deghessete dies su Casteddu at a èssere impinnados in s’Olìmpicu contra a sa Lazio, mentras in su de degheoto turnos, su 26 nadale, su Casteddu at a afrontare su Genoa a sa Sardigna Arena.
Ùrtima die de su girone de andada in Udine, su 29 de su mese de nadale.
