Nùgoro est leader in Sardigna de sa chirurgia robotica: de carchi annu in sa sala operatòria de s’ispidale San Francesco est intradu su robot da Vinci, rivolutzionende sas tècnicas operatòrias. Gràtzias a su Fundu (Fesr) chi at premiadu s’ispidale nugoresu cun ultres 1 millione de èuros pro s’achistu de su robot Nùgoro est a s’avanguàrdia pro sas operatziones chirurgicas.
Comente funtzionat. Su robot da Vinci permitet a unu sìngulu chirurgu de cumandare in paris bator bratzos chi cunsentint a issu de faghere movimentos in manera pretzisa diaderus in su cursu de interventos chirùrgicos a elevada cumplessidade. Su medicu non bidet a manera dereta s’interventu poita ddu bidet pro mediu de unu computer in 3D. Sos vantàgios non sunt isceti pro is medicos, ma pro su malaidu puru chi podet bessire dae s’ìspidale meda tempus prima.
