Sighi∙nos

Salude, ite ses chirchende?

Atualidade

Su fèstival chi nde istrumat sos logos comunos de sos sardos

Est cosa nòdida, a pitzu de sos sardos esistint maicantos istereòripos e logos comunos. Medas faghent a rìere, àteros, sos prus malos, ponent fele, mescamente pro ite a bias sunt crètidos e contados dae sos sardos etotu, mancari siat fàulas chi istrumpant unu caddu. E pròpiu “Fàulas” est su nòmene isseberadu comente tìtutu de unu fèstival s’at a fàghere in sa tzitade de Aristanis dae su 3 a su 4 nadale 2022. S’idea de lu aparitzare est bènnida a sos piseddos de Assemblea Natzionale Sarda, un’assòtziu nàschidu pro tutelare e promòvere su patrimòniu linguìsticu, istòricu e culturale sardu.

Est sa prima bia chi un’eventu culturale tenet sa punna decrarada de nde istrumare sos logos comunos e sos istereòtipos subra de s’Ìsula e sos abitantes suos.
Comente at naradu Andrea Laterza, presidente a fine incàrrigu de Assemblea Natzionale Sarda, sos logos comunos subra de sa Sardigna e sos sardos «sunt medas e a s’ispissu benint riproduidos e veiculados dae sos sardos etotu, a tretu de alterare sa pertzetzione matessi de sa realidade e de isminuire totu su chi pertocat sa vida econòmica, culturale e sotziale de sas comunidade».

Unos cantos istereòtipos sunt beras ossessiones, impreadas medas bortas pro rispòndere a sa lestra a medas chistiones chi interessant sa vida colletiva de sos abitantes de s’Ìsula. Bastat a pensare a «Pocos, locos y male unidos» , «su sardu non tenet mentalidade impresariale», «su sardu càmbiat dae una bidda a s’àtera e non nos cumprendimus a pare», «in Sardigna non nche tenet nudda», «Ma cale sardu? Mègius a imparare s’inglesu».

Pro custa resone su fèstival Fàulas «nche bolet bogare s’imàgine faulàrgia de sa Sardigna e de sos sardos e analizare ite est un’istereòtipu e ite, imbetzes, est beru — at naradu Riccardo Pisu Maxia, vitze presidente ANS – Sena medas iscusas at a contare chie semus e ite pensamus de nois etotu».

Su coro de su fèstival at a èssere formadu dae sos ANS Talk, monòlogos de 10-15 minutos de 7 espertos subra de ateretantos argumentos e relativos a logos comunos. Ma b’at a tènnere fintzas giogos pensados pro veiculare un’imàgine realìstica e non pessimista de sa Sardigna comente Sardoo e Sardum, contributos vìdeu, leturas biagiantes a sorpresa. No ant a mancare mancu momentos musicales cun Sa Scena e DJ Nice.
Importante at a èssere sa collaboratzione cun diversos locales aristanesos, in ue s’ant a pòdere tastare sos màndigos de sa traditzione e àteros puru.

Advertisement. Scroll to continue reading.

Pro connòschere su logu e su calendàriu de su Fèstival Fàulas, incarca su ligàmine sighente


Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22

Attività realizzata col contributo della Regione Sardegna – IMPRENTAS 2021-2022. LR 22/2018, art. 22

De lèghere

Atualidade

Massimiliano Mulas, 45 annos, arrestadu in Mestre cun s’acusa de àere violentadu una pitzinna de 11 annos, tenet pretzedentes pro reatos sìmiles e est...

Atualidade

Tra deghe dies est su 25 de abrile e s’Itàlia s’at a divìdere intre antifascistas cunvintos, neofascistas, àteros chi narant chi “però carchi cosa...

Atualidade

Un’apuntamentu chi in prus de èssere una ricurrèntzia est e cheret èssere «una festa de pòpulu peri sas carreras», comente at naradu su presidente...

Atualidade

S’òmine chi est prus chi non fàtzile a nos l’ammentare comente su latitante, su bandidu, su mortore (venghende su frade), s’evasore, s’intermediàriu (chi ant...