Est disponìbile de unas cantas dies subra de Apple Store e Google Play s’aplicatzione Biking Karalis, realizada dae su tzentru de chirca Crs4, pro intzentivare sa mobilidade tziclabile in sa tzitade metropolitana de Casteddu.
Biking Karalis mustra subra de una mapa sa rete de sas bitzicletas, signalat sos puntos prus de importu e sos perìgulos, e cunsentit de registrare e pranificare sos caminos mègius de fàghere.
S’aplicatzione permitet de cumpartzire sos percursos pròpios, partetzipende gasi a sas initziativas de ‘Citizen Science’ subra de sa mobilidade sustenìbile, promòvidu de su matessi Crs4, chi proponet totus cuddas fainas collegadas a una chirca iscientìfica in cue partètzipant sos tzitadinos.
In curtzu, cun Biking Karalis si podet:
· Navigare sa mapa de sa rete tziclabile de Casteddu.
· Pranificare percursos in bitzicletas.
· Registrare sos giros in bitzicleta.
· Cumpartzire sos giros pro mèdiu de aplicatziones esternas.
· Iscobèrrere s’impatu ambientale de sas pedaladas.
Sos tziclistas cumpartzende in modu anònimu sa registratzione de sos caminos fatos contribuint a megiorare una base de datos chi difatis rapresentat s’impreu de sa rete de is bitzicletas de Casteddu e ant a permìtere de realizzare istatìsticas ùtiles pro valutare s’impatu ambientale.
Atividade realizada cun su contributu de sa Regione Sardigna – Imprentas 2021-2022. Lr 22/2018, art. 22
Attività realizzata col contributo della Regione Sardegna – IMPRENTAS 2021-2022. LR 22/2018, art. 22
