Cuncursu de poesia “Tortolìricas: is bellesas de Tortolì… in poesia”

S’Ufìtziu Limba Sarda de Tortolì organizat su cuncursu de poesia in limba sarda “Tortolìricas: is bellesas de Tortolì… in poesia”, dedicadu a is pitzocheddas e pitzocheddos de Tortolì chi frecuentant is classis III, IV e V de sa scola primària.

Is poesias, iscritas in limba sarda, depent èssere originales, longas a su mancu 6 versos e, sa cosa prus importante, allegare de is bellesas naturales, artìsticas o archeològicas de sa tzitade de Tortolì. Ogna discente podet partetzipare cun una poesia ebbia e cada poesia depet tènniru su tìtulu, su nùmene de s’iscolanu, de sa classe e de s’istitutu acanta est iscritu.

S’ant a premiare is tres mègius poesias cun Bonus ispesa po comporare materiale didàticu pro s’iscola. Ant a èssere premiadas is primas tres poesias classificadas. E in prus de custu at a èssere premiada sa poesia chi prus respetat is normas de iscritura de su sardu. Is poesias binchidoras ant a èssere pubblicadas in sa pàgina facebook de s’isportellu linguìsticu e, paris cun totu is àteras, in unu librigeddu chi at a èssere donadu a ognuna de is classes chi ant a partetzipare.

Is cumponimentos, iscritos a manu in istampatellu e fotografados, est a ddos mandare in formadu JPG, intro su 15 de onniasantu 2024, a s’indiritzu limbasarda@comuneditortoli.it.

Is poesias ant a èssere giudicadas dae is operadores de su servìtziu linguìsticu. Pro ddas iscrìere is partetzipantes si podent fintzas fàghere agiudare dae is maistras o a is dae is domo ma, pro pòdere retirare is prèmios, ant a dèpere èssere capatzos de ddas cumprèndere, de ddas lèghereo de ddas resare a memòria.

Su regulamentu cumpletu s’agatat in su blog de s’ufìtziu limba sarda de Tortolì.

Advertisement. Scroll to continue reading.

Su cuncursu faghet parte de is initziativas prevìdidas in intro de su progetu “Tortolì genna de s’Ogliastra”, finantziadu dae sa L.482/99 e L.R. 22/2018 (TuLis 2023) de sa Regione Autònoma de Sardigna

Attività realizzata col contributo della Regione Sardegna – IMPRENTAS 2023-2024. LR 22/2018. Atividade realizada cun su contributu de sa Regione Sardigna – IMPRENTAS 2023-2024 LR 22/2018