Sa Regione sarda est acanta a faghere un’acòrdiu finale cun su Guvernu pro canto pertocat goddettas, infrastruturas publicas, e dinari chi s’Istadu aiat depidu donare a sa Sardigna e chi galu no as dadu.
Custas e atras cosas dda narat unu comunicadu de sa Giunta regionale. Contat de “unu traballu mannu fatu” in sas chidas coladas dae su presidente Christian Solinas in paris cun su vitze minustru de s’Economia, Antonio Misiani, e cun s’assessore de su Bilantzu Giuseppe Fasolino”. Sa punna est istada cussa de definire un’acòrdiu ampru, “chi andat ultres sos accantonamentos e afrontat problemas istoricos de sas infrastruturas e de s’insularidade”.
“Est istadu unu cunfrontu serradu ma leale – narat su guvernadore Solinas – in sas dies chi ant a bennere apo a partire pro Roma in ue contu de sutascrìere s’acòrdiu”. In sas dies coladas is giornales ant iscritu chi su contu de s’operatzione est pagu prus o mancu de duos milliardos de èuros, sos cales però ant a èssere donados in prus annos.
